ცხინვალის საოკუპაციო რეჟიმი ახალ სატრანზიტო  გზაზე ალაპარაკდა. ჯამბოლატ თედეევი, რომელიც საოკუპაციო რეჟიმის პარლამენტის წევრია, ამბობს, რომ ახალი გზის გაჭრა სარგებელს მოიტანს. ამის განცხადების შესახებ ჯერჯერობით ხელისუფლებიდან კომენტარი არ გაკეთებულა, რადგან დასვენების დღეა. თუმცა ოპოზიციაში აცხადებენ, რომ ამაზე საუბარი ხდება  იმ პირობებში, როცა რუსეთს სანქციები აწუხებს და ალტერნატივა სჭირდება. მათი აზრით, თედეევის მოთხოვნათა ნუსხაშია ე.წ. სამხრეთ და ჩრდილოეთ ოსეთის შესაძლო გაერთიანებაც.   

კონფლიქტოლოგი და ყოფლი სახელმწიფო მინისტრი პაატა ზაქარეიშვილი კი „რეზონანსთან“  ამბობს, რომ თედეევი არ საუბრობს რაიმე ახალი გზის გაჭრაზე, რადგან ამ დერეფანზე შეთანხება საქრათველოსა და რუსეთს შორის უკვე არსებობს. ეს შეთანმხება 2010 წელს არის დადებული და ამ დერეფნის კონტროლისთვის ორივე ქვეყანა შვეიცარიულ კომპანიას დღემდე ფულსაც კი უხდის. ამიტომ მისთვის გაუგებარია, რატომ არ უნდა მოხდეს ამ გზის აღდგენა, თუმცა მიაჩნია, რომ ამას ე.წ. ცხინვალის რეჟიმს არავინ ეკითხება, რადგან ეს შეთანხმება საქართველოსა და რუსეთს შორის არის დადებული. 

„ეს გზა დიდი ხანია შეთანხმებულია და საქართველო-რუსეთს შორის 2008 წელის ომის შემდეგ, პირველი შეთანხმება ამ დერეფანთან დაკავშირებით მოხდა. ქართველებმა და რუსებმაც დაიქირავეს შვეიცარული კომპანია, რომელსაც აქ გამავალი ტვირთების შემოწმება ევალება. საინტერესო ისაა, რომ ფულს ორივე ქვეყანა ამ  კომპანიას დღემდე უხდის, თუმცა დერეფნის აღდგენა არ მომხდარა. როგორც ვიცი, ეს დერეფანი ასევე აბაშიძე-კარასინის მოლაპარაკების ფორმატში შედის, მაგრამ დღემდე არავინ იცის, რა შეთანხმება მოხდა ან რატომ არ ხდება. 

რაც შეეხება იმას, რომ ამაზე საუბრობს ცხინვალის პარლამენტის  რიგითი დეპუტატი, ვფიქრობ, რომ ჯერ რუსეთს ამის სურვილი არა აქვს. ეს არ არის რუსეთის მხრიდან დაკვეთა, წინააღმდეგ შემთხვევაში ამას წინ რა უდგას. თუკი რუსეთმა ფრენები აღადგინა და უვიზო მიმოსვლა გააუქმა, ამ დერეფნის აღდგენას მითუმეტეს რა უნდა. აქ არ არის რკინიგზაზე საუბარი, აქ არის ჩვეულებრივ გზაზე ლაპარაკი, რომელსაც არც რემონტი უნდა და არც არაფერი“, - ამბობს ზაქარეიშვილი. 

თუმცა ყოფილი სახელმწიფო მინისტრი მიიჩნევს, რომ აქ არის ბევრი სამართლებრივი  ნიუანსი, რომელსაც სიტუაცია ჩიხში შეჰყავს. მაგალითად ამ დერეფნით წამოსული ტრაილერის მძღოლი უნდა ჩაითვალოს  თუ არა ოკუპაციის შესახებ კანონის დამრღვევად. 

„ძალიან ბევრი სამართლებრივ ნიუანსია, რასაც კანონი ოკუპაციის შესახებ ქმნის. ამიტომ სულ ვამბობდი, რომ ეს კანონი ბევრი რამის წინაღობაა. მაგალითად  ოკუპირებული ტერიტორიიდან გადმოსული ტრაილერის მძღოლის დაპატიმრება შეგვიძლია თუ არა და ის არღვევს თუ არა კანონს ოკუპაცისი შესახებ. ამიტომ ეს არის ძალიან კარგად დასალაგებელი თემა. 

„რაც შეეხება იმას, როგორი იქნება დასაველთის რეაქცია ამ დერეფნის აღდგენის შემთხვევაში, ვფიქრობ თუკი კონტროლი მკაცრად მოხდება, ეს პრობლემა რატომ უნდა იყოს? მასე „ქართულ ოცნებას“ თუ უნდა მესამე ქვეყნის მეშვეობით რუსეთს მაინც აწვდის და პატარა ბავშვივთ ცდილობს დასავლეთის მოტყუებას. ამიტომ ეს დერეფანი არ მგონია ისეთი პრობელმა გახდეს, რომ მისი საჭიროება ვერ ავხსნათ. ჩვენს ქვეყანას ეს დერაფანი ნამდვილად სჭირდება და თუკი მისი აღდგენა მოხდება, მე პირადად მივესალმები“, - ამბობს ზაქარეიშვილი „რეზონანსთან“.