საქართველოს პრეზიდენტის სალომე ზურაბიშვილის მიერ ტელეკომპანია "მთავარის" გენერალური დირექტორის ნიკა გვარამიას შეწყალებას აქტიურად ეხმაურებიან საქართველოშიც და უცხოეთშიც - ექნება თუ არა ამ გადაწყვეტილებას ზეგავლენა 12 პუნქტის შესრულებაზე და კანდიდატის სტატუსის მიღების თემატიკაზე - პოზიციები ამაზე განსხვავებულია.

პროგრესი არის, მაგრამ საქართველოს ჯერ კიდევ ბევრი აქვს სამუშაო - ეს არის გზავნილი ევროკავშირიდან, რომელიც საქრათველოს ხელისუფლებამ 22 ივნისს შვედეთის დედაქალაქ სტოკჰოლმში გაიმართული  ევროკავშირის საბჭოს არაფორმალური შეკრებიდან მიიღო, სადაც ევროკავშირის წევრი ქვეყნების ევროპის საქმეთა მინისტრებმა განიხილეს საქართველოს, უკრაინისა და მოლდოვის პროგრესი ევროკავშირის გზაზე.

საქართველოს ეროვნულ ბანკში დიდი ცვლილებებია. სებ-ის პირველ ვიცე-პრეზიდენტად ეკონომიკის ყოფილი მინისტრის ნათია თურნავა აირჩიეს და ის აგრეთვე პრეზიდენტის მოვალეობას შეასრულებს. მმართველმა პარტიამ თავისი გაიტანა და ცენტრალურ ბანკი თავის ნდობით აღჭურვილ პირს ჩააბარა. ეს პირველი შემთხვევაა, როცა სებ-ი "ქართული ოცნების" კანდიდატმა ჩაიბარა.

მოსკოვში საზეიმო განწყობაა და ეს ხუთშაბათს გამართულ უშიშროების საბჭოს სხდომაზეც ჩანდა, რომელიც, რამდენიმე თვიანი პაუზის შემდეგ, პირველად გადაიცემოდა სამთავრებო ტელეარხებით. როგორც ქართველი ანალიტიკოსები „რეზონანსთან" აცხადებენ, მიუხედავად იმისა, რომ რუსებმა პრაქტიკულად შეძლეს უკრაინელთა კონტრშეტევის პირველი ტალღის მოგერიება, საზეიმოდ საქმე ნამდვილად არ აქვთ. ამის პარალელურად კი უკრაინის პრეზიდენტმა ვოლოდიმირ ზელენსკიმ ხუთსაბათს ზაპოროჟიეს ატომურ ელექტროსადგურთან დაკავშირებით შემაშფოთებელი ვიდეომიმართვა გაავრცელა.

საქართველოს დერეფანში გადაზიდვების მოცულობა მკვეთრად იზრდება. გლობალური პროცესები, რასაც რუსეთ-უკრაინის ომი განაპირობებს, საქართველოს ლოგისტიკურ მიმართულებაზე დადებითად აისახა. 1-2 წლის წინ გაზრდილი ტვირთების მომსახურება ეჭვს იწვევდა, თუმცა დღეს რეალობა შეიცვალა და მუდმივად მზარდია ქვეყნის სატრანზიტო პოტენციალი, შესაბამისად, მეტი ტვირთნაკადი მოძრაობს საქართველოს დერეფანში. შეიძლება ითქვას, რომ დატვირთულობა პიკზეა. ეს არ ნიშნავს, რომ ყველაფერი იდეალურადაა, მაგრამ მდგომარეობა რადიკალურად გაუმჯობესებულია.

სამშენებლო მასალების გაძვირება, მიმდნარე ეტაპზე, შეჩერებულია. მართალია, ღირებულება საბოლოო ჯამში მაინც გაზრდილია, თუმცა დასტაბილურებულია. აქედან გამომდინარე, შეიძლება ითქვას, რომ კონკრეტულად ამ ფაქტორის გამო, მშენებლობის გაძვირება აღარ არის მოსალოდნელი.

პოლიტიკურ პროცესებში ჩასართავად, ამ ეტაპზე, პატიმრობაში მყოფ ექსპრეზიდენტ მიხეილ სააკაშვილს არაფერში სჭირდება საქართველოს მოქალაქეობა - ამის შესახებ „რეზონანსს“ ანალიტიკოსმა ვახტანგ ძაბირაძემ განუცხადა. მისი აზრით, „ნაციონალური მოძრაობის“ ახლანდელი ხელმძღვანელობა მაქსიმალურად ეცდება სააკაშვილის ფაქტორის გამოყენებას, თუმცა, რეალურად, პარტიის მათრვაში მის პირდაპირ ჩართვას არ დაუშვებს.

თბილისში, არასრუწლოვნების მხრიდან სასტიკი ანგარიშსწორების მსხვერპლი ტაილანდის მოქალაქე გახდა, რომელსაც მოზარდები თავს აბესაძის ქუჩაზე მდებარე სალონში  დაესხნენ და უმოწყალოდ სცემეს. 60 წლამდე მამაკაცი საქართველოში გამაჯანსაღებელი ცენტრის მფლობელია. მას არასრუწლოვნები სწორედ მისივე მასაჟის სალონში გაუსწორდნენ. დაპირისპირების მიზეზი კი არასრუწლოვნებისთვის მომსახურებაზე უარის თქმა გახდა. 

უკრაინაში კახოვკის კაშხლის აფეთქების შედეგად ვა ზღვაში მოხვედრილი საშიში ნივთიერებები და სხვა სახიფათო საგნები საქართველოს ნაპირებამდე ამ ზაფხულის განმავლობაში ვერ მოაღწევს. შესაბამისად, საქართველოს სანაპიროზე შავი ზღვის დაბინძურებასთან დაკავშირებული აჟიოტაჟი უსაფუძვლოა. ამის შესახებ „რეზონანსთან" გარმოს დამცველები აცხადებენ. გაეროში კი კიდევ ერთ სერიოზულ საფრთხეზე საუბრობენ.

უკრაინის ფრონტზე სიწყნარეა და ამას როგორც მოსკოვში, ისე კიევში ადასტურებენ. მოსკოვში აცხადებენ, რომ უკრაინელებს დიდი დანაკარგი აქვთ და მათი შევსების გარეშე, სერიოზულ შეტევით ოპერაციებს ვერ განახორციელებენ. კიევში კონტრშეტევის შენელების მიზეზებსა და მათზე მიმდინარე ზეწოლაზე საუბრობენ. ქართველი სამხედრო ანალიტიკოსები კი „რეზონანსთან" აცხადებენ, რომ უკრაინის შეტევა, ცალკეულ ლოკალურ შეტაკებებს თუ არ ჩავთვლით, პრაქტიკულად შეჩერებულია მათი განახლება დიდწილად დამოკიდებული იქნება დასავლეთიან შეიარაღებისა და საბრძოლო ტექნიკის ახალი პარტიის მიღების ვადებზე.

ევროკომისიის შუალედური ანგარიში საქართველოს მიერ ევროკავშირის წევრობის კანდიდატის სტატუსის მისაღებად 12-პუნქტიანი რეკომენდაციის შესრულების მხრივ მიღწეულ პროგრესზე არ იძლევა ერთმნიშვნელოვან პასუხს, მიანიჭებენ თუ არა წლის ბოლოს საქართველოს კანდიდატის სტატუსს. „რეზონანსთან“ საუბრისას ანალიტიკოსები აცხადებენ, რომ საბოლოო გადაწყვეტილების მიღებამდე კიდევ 4 თვეა და პოლიტიკური ნების არსებობის შემთხვევაში, საქართველოს ხელისუფლებას წესით არ უნდა გაუჭრდეს სასურველი შედეგის მიღწევა.

თბილისში ტურისტებისთვის ცხოვრება გაძვირდა და თითქმის წამყვან ევროპულ ქალაქებს დაეწია. ფასი გაიზარდა მომსახურების კუთხითაც, რაც არა მხოლოდ სტუმრებს, არამედ ადგილობრივ მოსახლეობასაც უქმნის პრობლემას.  ახლა, ძვირადღირებული ქალაქების რეიტინგში საქართველო 181-ე ადგილზეა.