ქობულეთში მომხდარ მკვლელობაზე ტაქსის მძღოლია დაკავებული. როგორც ირკვევა, ქალაქის ცენტრში მძღოლებს შორის სიტყვიერი დაპირისპირება, რომელიც შემდეგ ფიზიკურ ანგარიშსწორებაში გადაიზარდა, მკვლელობით დასრულდა. მოკლულია მიკროავტობუსის მძღოლი, რომელსაც დაზიანებები ბლაგვი საგნით აქვს მიყენებული.   

ისრაელი ირანის მხრიდან თავდასხმისთვის ემზადება -  ამერიკის შეერთებული შტატები ისრაელზე ირანის მხრიდან თავდასხმას მომდევნო 48 საათის განმავლობაში პროგნოზირებს. ამერიკელმა და ისრაელელმა ოფიციალურმა პირებმა განაცხადეს, რომ ირანის მხრიდან ისრაელზე თავდასხმას ორშაბათიდან  ელოდებიან, - ინფორმაციას Axios-ი ავრცელებს.

საპარლამენტო არჩევნების მოახლოებასთან ერთად სულ უფრო საინტერესო ხდება რა დაკვეთა აქვს საზოგადოებას პარტიების მიმართ და რა კრიტერიუმებით გააკეთებენ არჩევანს ოქტომბერში. ანალიტიკოსების ნაწილი ფიქრობს, რომ ძირითადად, მოსახლეობას უკეთესი ცხოვრება და მშვიდობა უნდა, რომელსაც მმართველი პარტია ჰპირდება. ნაწილის აზრით კი, „ოცნება" წინასაარჩევნო კამპანიას შავ პიარზე აგებს, რომ, თუ ხელისუფლებაში ოპოზიცია მოვა ომი დაიწყება, ის კი მშვიდობის გარანტია.

პრემიერი, ირაკლი კობახიძე ამერიკის მიერ საქართველოს მთვრობისთვის 95 მლნ დოლარის დახმარების შეჩერებას გამოეხმაურა და განაცხადა, რომ მათი მხრიდან ნაბიჯები იდგმევა და მთავარია, შემხვედრი ნაბიჯები ამერიკელი პარტნიორების მხრიდან მიიღონ. როგორც მთავრობის მეთაურმა აღნიშნა, დღემდე ვერ მიიღო ინფორმაცია, კონკრეტულად რა თანხა შეჩერდა.

ახლო აღმოსავლეთში დიდი ომი შესაძლოა უახლოეს საათებში დაიწყოს. სხვადასხვა წყაროების ცნობით, რომ „ჰამასის" ლიდერის ისმაილ ჰანიეს მკვლელობის საპასუხოდ ირანის ისრაელზე თავდასხმას 5 აგვისტოს გეგმავს. თუმცა, მეორე სცენარის მიხედვით, თეირანი ისრაელზე შეტევას ტიშა ბავის დღესასწაულს - 12-13 აგვისტოს დაამთხვევს, რომ ემოციური და ფსიქოლოგიური გავლენა მოახდინოს ისრაელის მცხოვრებლებზე.

ოპოზიციაში წინასაარჩევნო გადაჯგუფება-გადალაგების პროცესი თითქმის დასრულებულია, გამოკვეთილია მინიმუმ ოთხი ცენტრი, რომელიც არჩევნებში მონაწილეობისთვის აქტიურად ემზადება და უკვე დაიწყეს კამპანია, მათ შორის რეგიონებში. როგორც ანალიტიკოსები ამბობენ, მიუხედავად იმისა, რომ არჩევნებამდე ცოტა დროა დარჩენილი, მინიმუმ ერთი თვე მაინც უნდა ველოდოთ გარკვეულ „სიურპრიზებს" გადაჯგუფებაში.

უკრაინის სამხრეთში სიტუაცია კრიტიკულია. უკრაინული ნაწილები, რომელთაც საბრძოლო მასალისა და ცოცხალი ძალის დეფიციტი აქვთ, უკან დახევას აგრძელებენ. ქალაქ ჩასოვ იარში რუსებმა მოწინააღმდეგის დაცვის ხაზი გაარღვიეს და სტრატეგიული მნიშვნელობის მქონე არხი რამდენიმე ადგილას გადალახეს. ანალიტიკოსთა ნაწილი ჩასოვ იარიდან უკრაინული ნაწილების გასვლას პრგნოზირებს.

აშშ-ის წლევანდელ საპრეზიდენტო არჩევნებში საქართველოს ხელისუფლება ფსონს ექსპრეზიდენტ დონალდ ტრამპის გამარჯვებაზე დებს. „ქართულ ოცნებაში" მიიჩნევენ, რომ ასეთ შემთხვევაში შეჩერდება აშშ-ის ხელისუფლების მიერ დაწყებული საქართველოსთან ურთიერთობის გადახედვა და ურთიერთობები ძველ რელსებს დაუბრუნდება. რამდენად რეალისტურია ეს პროგნოზი?

1 სექტემბრიდან ახალგორში ქართულ ენაზე სწავლა სრულად შეწყდება, რომელსაც ოკუპირებული ტერიტორიებიდან ქართველი პედაგოგების გამოძევებასა და ყველაფერი ქართულის აღმოფხვრას უკავშირებენ. ანალიტიკოსების ნაწილი მიიჩნევს, რომ ქართული მხრიდან გატარებული ნებისმიერი ღონისძიება არაეფექტური იქნება. მეორე მხარე კი ამბობს, რომ ახალგორში მოსახელობა ძალიან შემცირებულია და სახელმწიფომ გზის გახსნაზე უნდა იმუშაოს იმისათვის, რომ ხალხი დაბრუნდეს და ლოგიკური პრეტენზია გაჩნდეს.

ოპოზიციაში აცხადებენ, რომ „ქართულ ოცნებას" დასავლეთთან ურთიერთობების აღდგენის რესურსი აღარ აქვს და, რომ „ჩატეხილი ხიდის აღდგენას მხოლოდ ახალი ხელისუფლება შეძლებს". „ოცნების" ხელისუფლება დასავლეთისგან შემხვედრ ნაბიჯებს კვლავ ელის, აშშ და ევროკავშირი კი „უკან დაბრუნების გზად" სამ მთავარ საკითხს ასახელებს - დემოკრატიულად ჩატარებული არჩევნები, ანაკლიის პორტის საკითხი და „გავლენების კანონის" გაუქმება.

პოსტსაბჭოთა ისტორიაში ტყვეების ყველაზე დიდი გაცვლა რუსეთსა და დასავლეთს შორის 1 აგვისტოს შედგა - ჯამში 24 ადამიანი გაათავისუფლდა. აქედან 16 პირი მოსკოვმა გამოუშვა, დანარჩენი კი დასავლეთმა, მათ შორის მძიმე დანაშაულისთვის გასამართლებული რამდენიმე მოქალაქე, რომელთა გამოშვებასაც რთული გადაწყვეტილება უწოდეს. გათავისუფლებულ პატიმრებს რამდენიმე დღის განმავლობაში კლინიკაში მოათავსებენ.

1-ელ აგვისტოს, ევროკავშირის საგარეო და უსაფრთხოების პოლიტიკის საკითხებში პრესსპიკერმა პიტერ სტანომ ესპანურ გამოცემა „ევროპა პრესთან" საუბრისას განაცხადა, რომ უცხოური გავლენის გამჭვირვალობის შესახებ" კანონის ძალაში შესვლის შემდეგ, ევროკავშირი საქართველოსთვის დახმარების შეჩერებას განიხილავს. მანვე აღნიშნა, რომ ევროკავშირის დიპლომატიური სამსახური "სერიოზულად შეშფოთებული რჩება საქართველოში ბოლო დროს განვითარებული მოვლენებით", ხოლო საკამათო კანონის ძალაში შესვლა ქვეყნის ევროკავშირში ინტეგრაციის გზაზე "უკან გადადგმულ ნაბიჯს წარმოადგენს".