აფხაზეთის დე ფაქტო საგარეო საქმეთა სამინისტრო მოითხოვს, რომ ქართული ანსამბლებისა და სხვა შემოქმედებითი კოლექტივების დასახელებებიდან, რომლებიც ხშირად დადიან ევროპაში გასტროლებზე, ამოღებული იყოს აფხაზეთთან დაკავშირებული ტერმინები. აქედან ერთ-ერთია ანსამბლი „შავნაბადა", რომლის სახელწოდებასაც გაურკვეველია რატომ აკავშირებენ აფხაზეთთან. ყოფილი სახელმწიფო მინისტრისა და კონფლიქტოლოგის პაატა ზაქარეიშვილის შეფასებით, ამ პრეტენზიას არავითარი მნიშვნელობა არ აქვს და მიმართულია ყურადღების მისაპყრობად.

აშშ-ის პრეზიდენტ დონალდ ტრამპისა და რუსეთის პრეზიდენტ ვლადიმირ პუტინის სატელეფონო საუბრის შემდეგ ერთი კვირა გადის და ამ დროის განმავლობაში ორმხრივი საჰაერო დარტყმები კიდევ უფრო მასშტაბური გახდა. არადა ამ საუბრის მთავარი შედეგი სწორედ ის იყო, რომ მხარეები 30 დღით ერთმანეთის ენერგეტიკულ და სამოქალაქო ინფრასტრუქტურის ობიექტებზე საჰაერო დარტყმების შეწყვეტაზე შეთანხმდნენ.

ანალიტიკოსთა ნაწილი მიიჩნევს, რომ ოპოზიციამ ადგილობრივ არჩევნებში მონაწილეობა აუცილებლად უნდა მიიღოს, რადგან მას დიდ ქალაქებში წარმატების მისაღწევად ყველა წინაპირობა აქვს. თავად ოპოზიციაში მიიჩნევენ, რომ არჩევნებამდე 6 თვით ადრე ამ თემის გააქტიურება მმართველი პარტიის სტრატეგიის ნაწილია და ამაზე მსჯელობას არ აპირებენ. ვენეციის კომისია კი კრიტიკულად აფასებს ადგილობრივ არჩევნებთან დაკავშირებით საარჩევნო კოდექტსში შეტანილ ბოლო ცვლილებებს და მათ გაუქმებას ითხოვს.

აშშ-ის პრეზიდენტის სპეციალურმა წარმომადგენელმა, სტივ უიტკოფმა, 22 მარტს, ჟურნალისტ ტაკერ კარლსონთან ინტერვიუში სკანდალური განცხადებები გააკეთა. მან აღნიშნა, რომ აშშ-ისა და რუსეთის პრეზიდენტებს მეგობრობა აკავშირებთ; უკრაინის ხელისუფლება ახალ არჩევნებზე თანახმაა და რომ უკრაინის ნატოში გაწევრიანებას გამორიცხულია. გარდა ამისა, უიტკოფი „სრულიად დარწმუნებულია“, რომ რუსეთი ევროპას თავს არ დაესხმება.

პარტია „გახარია საქართველოსთვის" აცხადებს, რომ „ნაცმოძრაობამ" საერთოდ უკუაგდო მეხუთე პრეზიდენტ სალომე ზურაბიშვილთან ოპოზციის კოორდინაციის იდეა. თავად ენმ-ში კი ერთდროულად გახარიასაც აკრიტიკებენ და ზურაბიშვილსაც და აცხადებენ, რომ კოორდინაციაზე „ყალბი მოლოდინების შექმნა არასწორია". პარტია „ახალშიც" ბოლო პერიოდში ზურაბიშვილის მიმართ განსაკუთრებით დიდი ინტერესი არ იკვეთება. ჩავარდა თუ არა „ძლიერი კოორდინაცია" და რა სცენარით გაგძელდება პროცესები?

აშშ-ის პრეზიდენტი დონალდ ტრამპი რესპუბლიკელ სენატორს, რომელიც „ქართული ოცნების" კრიტიკით გამოირჩევა, სრულ მხარდაჭერას უცხადებს. ჯიმ რიში „მეგობარი აქტის" წარმდგენია, რომელიც რეჟიმის სანქცირებას მოითხოვს. ქართველი ოპოზიციონერები ამ ამბავს პოზიტიურად შეხვდნენ და მიიჩნევენ, რომ რიშის მხარდაჭერა, პრაქტიკულად, საქართველოს ხელისუფლებისადმი რიშის მიდგომების მხარდაჭერასაც ნიშნავს. მმართველ პარტიაში კი ამბობენ, რომ „ნაცების აღტკინება" ნაადრევია.

„ჩვენ დემოკრატიული ქვეყანა ვართ, აიარონ და ჩაიარონ, ამით მაინც ვერაფრის ჩვენებას ვერ შეძლებენ კონგრესისთვის. სულ რომ ათი კაცი გამოვიდეს, ის ძალები, რომლებიც ამათ ავალებენ, მათ ხელში რომელი საინფორმაციო საშუალებებიცაა ისინი ათს წარმოადგენენ ასიათასად",- განაცხადა ანალიტიკოსმა ედიშერ გვენეტაძემ „რეზონსნთან", 22 მარტის დაანონსებული აქცია-მსვლელობის შეფასებისას, რომელიც აშშ-ს კონგრესში განსახილველ „მეგობარ აქტთანაა" დაკავშირებული.

დაყადაღებული ფონდები ყადაღის მოხსნას ითხოვენ --ნანუკა ჟორჟოლიანი გენერალურ პროკურორს, გიორგი გაბიტაშვილს მიმართავს, რომ „ნანუკას ფონდს" ყადაღა მოხსნას, და ირწმუნება, რომ ფონდიდან თანხები მხოლოდ სოციალურად დაუცველებსა და შესაბამისი საჭიროებების მქონე ბავშვებს მოხმარდება.

"თუ აქციაზე ცოტა ხალხი მივიდა, ოპოზიციის იმიჯზე იმოქმედებს იმ მხრივ, რომ თვითონ ოპოზიცია დაიწყებს დაშლას, ბევრი ხალხი იმ შთაბეჭდილებას მაინც შექმნის, რომ აი, ამ ოპოზიციას ხალხის შეგროვება მაინც შეუძლია. როცა ხალხის შეგროვებაც კი არ შეუძლიათ, მაშინ ოპოზიციონერები უკვე ერთმანეთის ბრალდებაზე გადავლენ",- აცხადებს "რეზონანსთან" ანალიტიკოსი რამაზ საყვარელიძე 31 მარტს დაანონსებული აქციის შეფასებისას.

„აშშ-ს პრეზიდენტმა თვალი უკრაინის უდიდეს ატომურ ელექტროსადგურს დაადგა," - წერენ დასავლური გამოცემები. მანამდე აშშ-სა და უკრაინის პრეზიდენტებს შორის სატელეფონო ზარი შედგა. როგორც უკრაინული მხარე აცხადებს, საუბარი ენერგეტიკულ ობიექტებზე ცეცხლის შეწყვეტას შეეხებოდა. სახელმწიფო მდივანმა, მარკო რუბიომ ჟურნალისტებთან მოგვიანებით განაცხადა, რომ აშშ-ს მიერ ენერგეტიკული სადგურების ფლობა იქნება „საუკეთესო დაცვა უკრაინის ინფრასტრუქტურისთვის".

ჩვენ ხუმრობას არ ვაპირებთ! - ყველა პირი, ვინც წინა ხელისუფლებას წარმოადგენდა, კეთილს ინებებს და კომისიის წინაშე მობრძანდება და შემდეგ არ იტყვის, რომ არ იცოდა, ასეთ შემთხვევაში საკმაოდ მკაცრი სასჯელი თუ არსებობდა! - აცხადებს პარლამენტის დროებითი საგამოძიებო კომისიის თავმჯდომარე თეა წულუკიანი. კომისიის წინაშე „ნაციონალური მოძრაობის" წარმომადგნლების გამოცხადება/არ გამოცხადებაზე ანალიტიკოსების ვარაუდები განსხვავდება.

საცობები თბილისისთვის მოუგვარებელ პრობლემად იქცა. დედაქალაქში ბევრი ისეთი ადგილია, სადაც ავტომობილით გადაადგილება ხშირ შემთხვევაში შეუძლებელია. ფაქტია, რომ თბილისს შუქნიშნებისა და "ბასლაინების" მომრავლებამ ვერ უშველა. სპეციალისტები დიდი ხანია ამბობენ, რომ ქალაქს ხიდების და ესტაკადების მშენებლობა სჭირდება და, როგორც ჩანს, ამას თბილისის მერიაშიც მიხვდნენ.