ნატალია ჯვარიძე
30.04.2024

მოსკოვში 9 მაისის აღნიშვნისთვის ემზადებიან. ანალიტიკოსები კი იმაზე მსჯელობენ, თუ რა სახის „სიურპრიზებს" უნდა ველოდოთ უკრაინა-რუსეთის ომში ამ თარიღთან დაკავშირებით. ფრონტზე კი ჯერჯერობით უპირატესობა ისევ რუსების მხარესაა. უკრაინული არმია ძირითადად თავდაცვაზეა გადასული და პერიოდულად უკან დახევაც უწევს.

ელზა პაპოშვილი
29.04.2024

რუსეთი ბოლო რამდენიმე კვირაა, უკრაინის ენერგოსისტემებს მასიურად უტევს. ოკუპანტებმა, ენერგეტიკულ ინფრასტრუქტურაზე უკრაინის სამ ოლქში მიიტანეს დარტყმები. რუსული ძალები თავს დაესხნენ დნეპროპეტროვსკის, ივანო-ფრანკოვსკისა და ლვოვის ოლქების ენერგოობიექტებს. რუსეთმა მნიშვნელოვნად დააზიანა ოთხი თბოელექტროსადგური.

ნატალია ჯვარიძე
29.04.2024

საფრანგეთის პრეზიდენტი, ემანუელ მაკრონი აცხადებს, რომ მზად არის დაიწყოს დებატები საერთო ევროპულ თავდაცვაში ბირთვული იარაღის როლის შესახებ. მისივე თქმით, საფრანგეთი მზად არის წვლილი შეიტანოს ევროპის დაცვაში. მან ევროპას მოუწოდა, რომ სანდო თავდაცვის სტრატეგია მიიღოს, რომელიც აშშ-ზე ნაკლებად დამოკიდებული იქნება.

ნატალია ჯვარიძე
27.04.2024

უკრაინის მიერ დასავლეთიდან მიღებული შეიარაღების რუსეთის ტერიტორიაზე დარტყმისთვის გამოყენებაზე დაწესებული შეზღუდვა, შესაძლოა, მოხსნილი იყოს. ასეთი ვარაუდი მას შემდეგ გაჩნდა, რაც ოფიციალურად დადასტურდა, რომ აშშ-მა მარტში უკრაინას ფარულად მიაწოდა შორს მოქმედი ATACMS-ის ტიპის რაკეტები. როგორ შეცვლის ეს ომის ხასიათს და რა უპირატესობა შეიძლება მიიღოს ამით უკრაინამ?

თამთა ჩაჩანიძე
26.04.2024

უკრაინაში აშშ-ის სამხედრო დახმარების ჩასვლამდე, რუსული ჯარები რაც შეიძლება მეტი ტერიტორიის ხელში ჩაგდებას ცდილობენ. ვრცელდება ინფორმაცია, რომ დაწოლა გაძლიერდა განსაკუთრებიუთ სტრატეგიულ სიმაღლეებზე, რათა პრობლემები შეუქმნან უკრაინის შეიარაღებული ძალების მნიშვნელოვან თავდაცვით ხაზს დობნასში.

ელზა პაპოშვილი
24.04.2024

რას შეეცვლის უკრაინის ფრონტის ხაზზე ამერიკის მიერ გამოყოფილი 61 მილიარდი და შეიტანს თუ არა ომში რამე სახის გარდატეხვას? უკრაინაზე რუსეთის მოსალოდნელი მასშტაბური თავდასხმების გამო და მრავალთვიანი დისკუსიების შემდეგ აშშ-ის კონგრესის წარმომადგენელთა პალატამ უკრაინისთვის 61 მილიარდი დოლარის დახმარების გამოყოფას მხარი უკვე დაუჭირა. 

ნატალია ჯვარიძე
24.04.2024

რუსული სახელმწიფო გამოცემა „ტასი" სამართალდამცავ ორგანოებზე დაყრდნობით წერს, რომ რუსუთში თავდაცვის მინისტრის მოადგილე ტიმურ ივანოვი ქრთამის აღების ბრალდებით დააკავეს. ანალიტიკოსების შეფასებით, რაც რუსეთში ხდება ყველაფერი უკრაინის ომთანაა დაკავშირებული, მათ შორის ეს. როგორც ისინი აღნიშნავენ, შესაძლოა საქმე გვქონდეს სახელმწიფო ღალატსა და საიდუმლოებების გაყიდვასთან.

ნატალია ჯვარიძე
24.04.2024

ნატოს გენერალურმა მდივანმა იენს სტოლტენბერგმა პოლონეთში, გაერთიანებული სამეფოს პრემიერ-მინისტრ რიში სუნაკთან ერთობლივ პრესკონფერენციაზე განაცხადა, რომ რუსეთთან კონფლიქტისკენ არ ისწრაფვიან, მაგრამ, საჭიროების შემთხვევაში ყველა მოკავშირეს დაიცავენ. პარალელურად რუსეთის საგარეო საქმეთა სამინისტროს პრესსპიკერი, მარია ზახაროვა კი აცხადებს, რომ ფინეთში დაგეგმილი ალიანსის სამხედრო წვრთნა მათ წინააღმდეგ ჰიბრიდული ომის ნაწილია და მოსკოვი „კოლექტიური დასავლეთის აგრესიულ ქმედებებს" აკვირდება.

ნატალია ჯვარიძე
23.04.2024

ატომური ენერგიის საერთაშორისო სააგენტოს ხელმძღვანელი რაფაელ გროსი აცხადებს, რომ ირანს ბირთვული იარაღის შექმნისაგან „რამდენიმე კვირა" აშორებს. მისივე თქმით, ატომური ენერგიის საერთაშორისო სააგენტოს სპეციალისტებს არ აქვთ წვდომის ირანელი კოლეგების საქმიანობაზე. ანალიტიკოს ვახტანგ მაისაიას შეფასებით, ეს ნიშნავს, რომ ახლო აღმოსავლეთში, სავარაუდოდ, სხვა სახელმწიფოებსაც გაუჩნდებათ ბირთვული ბირთვული იარაღის ფლობის ამბიცია და რეგიონში „ბირთვული რბოლა" დაიწყება.

ელზა პაპოშვილი
22.04.2024

წარმომადგენელთა პალატამ რუსული გაყინული აქტივების უკრაინის სასარგებლოდ კონფისკაციასაც მხარი დაუჭირა. კანონპროექტს ხმა 360-მა კონგრესმენმა მისცა 58-ის წინააღმდეგ. კონგრესის ამ გადაწყვეტილებით შეერთებული შტატების პრეზიდენტს უფლებამოსილება ეძლევა, გამოიყენოს რუსეთის სუვერენული აქტივების კონფისკაციის პროცედურა შესაბამისი სახსრების შემდგომი გადაცემით სპეციალურ ფონდებში, რომელიც უკრაინის მხარდაჭერას მოხმარდება. 

ნატალია ჯვარიძე
22.04.2024

გამოეცამა „Fakt"-თან ინტერვიუში პოლონეთის პრეზიდენტმა, ანჯეი დუდამ განაცხადა, რომ პოლონეთი მზად არის ქვეყნის ტერიტოირაზე ბირთვული იარაღის განთავსებას დასთანმხდეს, თუ კი ნატო ამ გადაწყვეტილებას მიიღებს იმ ფონზე, როცა რუსეთი აძლიერებს შეიარაღებას ბელარუსსა და კალინინგრადში. მისივე თქმით, დისკუსია პოლონეთსა და აშშ-ს შორის ბირთვული თანამშრომლობის შესახებ გარკვეული პერიოდის განმავლობაში გრძელდება.

ნატალია ჯვარიძე
22.04.2024

უგრეთის პრემიერ-მინისტრის, ვიქტორ ორბანის განცახადებით, დასავლეთს უკრაინაში ჯარების შეყვანამდე ერთი ნაბიჯი აშორებს, თუმცა, მისი მტკიცებით, ბუდაპეშტის ამაში ჩათრევას არ დაუშვებს. ანალიტიკოსების შეფასებით, ნატოს უკრაინაში ჯარების შეყვანის ვარიანტი გამორიცხულია და ორბანის ეს განცხადება მისი პირადი ინტერპრეტაციაა.


Copyright © 2006-2024 by Resonance ltd. . All rights reserved
×