თამთა ჩაჩანიძე
18.05.2020

კორონავირუსის ვაქცინაზე მსოფლიოს რამდენიმე ლიდერი ქვეყანა მუშაობს, დამაიმედებელ პროგნოზს აკეთებენ და უკვე ცდები მოხალისეებზეც ტარდება. პარალელურად კი ლიდერი ქვეყნების პოლიტიკოსები პესიმისტურ პროგნოზს აკეთებენ და უშვებენ იმასაც, რომ შესაძლოა ვაქცინა საერთოდაც არ შეიქნას და რომ მსოფლიომ ვირუსის კონტროლისთვის ახალი გზები უნდა მოიძიოს.

ტატა შოშიაშვილი
17.05.2020

რუსეთში კორონავირუსის ეპიდემიის ფონზე საეჭვოდ მოიმატა უბრალო ფილტვების ანთების სტატისტიკამ. ეს კარგად ჩანს დაღესტნის მაგალითზე, სადაც ვითარება სულ უფრო კრიტიკული ხდება. ოფიციალური მონაცემებით, დაღესტანში კორონავირუსით ინფიცირების 3 280 შემთხვევაა დაფიქსირებული, თუმცა კორონავირუსით ინფიცირებულთა და უბრალო პნევმონიის მქონე პაციენტების რაოდენობა ამჟამად კოლოსალურ ციფრს - 13 697 ადამიანს აღწევს. იგივე სურათია გარდაცვლილთა სტატისტიკაშიც - კორონავირუსით დაღესტანში ბოლო 2 თვეში სულ 27 ადამიანი გარდაიცვალა, ფილტვების ანთებით კი - 657.

ტატა შოშიაშვილი
16.05.2020

ევროპის კონტინენტზე პირველი ქვეყანა, რომელიც ოფიციალური მონაცემების საფუძველზე აცხადებს, რომ დაამარცხა კოვიდ-19, სლოვენიაა. ახალ კორონავირუსზე ტესტირების შედეგები იუწყება, რომ ბოლო ორი კვირის განმავლობაში სლოვენიაში ინფიცირებულთა რაოდენობა აღარ იზრდება - მხოლოდ 7 შემთვევა დღეში. ამის შესახებ სლოვენიის მთავრობა ოფიციალურ ვებგვერდზე განცხადებას ავრცელებს.

თამთა ჩაჩანიძე
15.05.2020

რუსეთში კორონავირუსით ინფიცირებულთა დიდი რაოდენობის მიუხედავად, სიკვდილიანობის ოფიციალური მონაცემები გაცილებით დაბალია, რამაც გამოიწვია საფუძვლიანი ეჭვი, რომ სახელმწიფო ფატალურ შემთხვევებს მალავს და ადამიანთა გარდაცვალების მიზეზად უბრალო პნევმონიას ასახელებს, რაზედაც Financial Times-მა და New York Times-მა ჯერ კიდევ 11 მაისს დაწერეს.

თამთა ჩაჩანიძე
14.05.2020

ამერიკელმა და ბრიტანელმა მეცნიერებმა კორონავირუსის საწინააღმდეგო ექსპერიმენტული ვაქცინა, მაიმუნების ერთ-ერთ სახეობაზე, კერძოდ მაკაკაზე, წარმატებით გამოსცადეს, რის შემდეგაც მოხალისეებში კლინიკური კვლევების პირველი ეტაპი დაიწყეს.

თამთა ჩაჩანიძე
14.05.2020

ევროკომისიამ ტურიზმის აღდგენის ის პრინციპები შეიმუშავა, რითაც პანდემიის შემდეგ ზაფხულში ევროპამ უნდა იხელმძღვანელოს. შესაბამისი დოკუმენტი, კომისიამ საკუთარ ვებ გვერდზე გამოაქვეყნა.

თამთა ჩაჩანიძე
13.05.2020

ჩეჩნეთის ლიდერის რამზან კადიროვის პირადი ინსტაგრამ ანგარიში დაბლოკილია, აღსანიშნავია, რომ ეს სოციალური პლატფორმა ფეისბუქის საკუთრებაა,ფეისბუქმა კი ბოლო პერიოდში რუსეთთან დაკავშირებული გვერდები და ანგარიშები წაშალა, კადიროვის პირადი ანგარიშიც ამ წმენდაში მოჰყვა და სანქციების გამო დაუბლოკეს.

თამთა ჩაჩანიძე
12.05.2020

ქალაქ სანკტ-პეტერბურგის წმინდა გიორგის სახელობის საავადმყოფოში გაჩენილ ხანძარს კორონავირუსით ინფიცირებული 5 პაციენტის სიცოცხლე შეეწირა. ხანძრი პირდაპირ რეანიმაციულ განყოფილებაში გაჩნდა, სადაც ყველაზე რთულ პაციენტებს მკურნალობენ. რუსი ექსპერტების პირველადი დასკვნით კი, ხანძრის სავარაუდო მიზეზი ის იყო, რომ აალდა ერთი ან რამდენიმე ხელოვნური სუნთქვის აპარატი, რომლებზეც პაციენტები იყვნენ მიერთებული.

ტატა შოშიაშვილი
10.05.2020

ახალი კორონავირუსის გავრცელების ფონზე, თვითიზოლაციის გახანგრძლივების გამო, რუსეთში შესაძლოა უახლოეს მომავალში მასობრივი საპროტესტო გამოსვლები დაიწყოს - ასეთ პროგნოზს აკეთებს ქვეყნის ყველაზე ავტორიტეტული სოციოლოგიური კვლევების კომპანია „ლევადა ცენტრის" ხელმძღვანელი ლევ გუდკოვი.

თამთა ჩაჩანიძე
08.05.2020

შეერთებული შტატების პრეზიდენტმა დონალდ ტრამპმა მოახლოებულ საპრეზიდენტო არჩევნებზე „ფოქს ნიუსთან" ინტერვიუში ისაუბრა, მან მის მთავარ მოწინააღმდეგეზე, ჯო ბაიდენზე კომენტირებისას,იმედი გამოთქვა, რომ ბრალდება, რომელსაც ბაიდენის ყოფილი თანაშემწე უყენებს და რომელიც სექსუალურ შევიწროვებას ეხება, სიმართლეს არ შეესაბამება და მთავარი მეტოქეები ბრძოლას ბოლომდე მიიყვანენ.

თამთა ჩაჩანიძე
07.05.2020

კორონავიუსმა ეკონომიკის თვალსაზრისით საფრთხის წინაშე ყველზე მეტად ტურიზმზე დამოკიდებული ქვეყნები დააყენა, რომლებსაც ანალიტიკოსების აზრით, ალტერნატიული სფეროების შექმნა მოუწევთ, რადგან ქვეყნის არსებობა ეკონომიკის მხოლოდ ერთ სექტორზე ჩამოკიდება არ შეიძლება.

თამთა ჩაჩანიძე
05.05.2020

ჩრდილოეთ ოსეთის მოზდოკის რაიონის მეწარმეთა საბჭო რუსეთის საგარეო საქმეთა მინისტრ სერგეი ლავროვს მიმართავს და სამინისტროს პრეს-სპიკერის, მარია ზახაროვას გადადგომას ითხოვს. მათ ინტერნეტში შესაბამისი პეტიციაც გამოაქვეყნეს, რომელსაც, სამშაბათის საღამოს მონაცემებით, უკვე 2000-მდე ადამიანი აწერს ხელს.


Copyright © 2006-2020 by Resonance ltd. . All rights reserved
×