უკრაინა რუსეთის ენერგეტიკულ სექტორზე წნეხს აძლიერებს, ნიჟნი-ნოვგოროდის ოლქში კომპანია „ლუკოილის" კუთვნილ სტრატეგიულ ქარხანაში ხანძარი გაჩნდა და ნავთობის პირველადი გადამუშავების დანადგარი დაზიანდა.

რუსეთმა უკრაინის წინააღმდეგ 70-ზე მეტი რაკეტა და 500 დრონი გამოიყენა, - ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს. ვოლოდიმირ ზელენსკის ცნობით, რუსების მიერ განხორციელებული მასშტაბური იერიშის შემდეგ კიევში სამძებრო-სამაშველო სამუშაოები გრძელდება.

ევროკომისიის პრეზიდენტი, ურსულა ფომ დერ ლაიენი ბაქოში ვიზიტის შემდეგ, ერევანს ეწვია და პრემიერ-მინისტრთან, ნიკოლ ფაშიანიანთან მოლაპარაკებები აწარმოა. ანალიტიკოსების აზრით, ევროკავშირი ცდილობს ერევანს მისცეს ალტერნატივა, რათა მოსკოვმა ვერ შეძლოს ქვეყნის შანტაჟი ემბარგოებითა და ეკონომიკური ბლოკადით, როდესაც სომხეთი კრემლისგან დისტანცირებას ცდილობს. აზერბაიჯანთან დაკავშირებით კი, სტრატეგიული ინტერესები გააჩნია.

რუსეთის თერთმეტივე სასაათო სარტყელში საწვავის რეკორდული ფასები და გრძელი რიგებია -უკრაინულმა დრონებმა კრემლის ნავთობგადამამუშავებელ ინდუსტრიას სერიოზული დარტყმა მიაყენეს. დეფიციტის დასაფარად მოსკოვმა საგანგებო გეგმა აამუშავა. რუსეთმა ინდოეთიდან ბენზინის საზღვაო იმპორტი დაიწყო - ამის შესახებ ინფორმაციას სექტორის ორ წყაროზე დაყრდნობით გამოცემა „როიტერსიავრცელებს.

სანამ უკრაინა ფრონტზე არსებული „შესაძლებლობების ფანჯრის" გამოსაყენებლად ევროკავშირისგან მილიარდობით ევროს სასწრაფო მობილიზებას ითხოვს, მოსკოვი კიევის წინააღმდეგ ჰიბრიდული ომის გააქტიურებას ცდილობს.ფრონტზე რუსული არმიის შენელების პარალელურად, კრემლის მთავარ სამიზნედ უკრაინა-პოლონეთის ურთიერთობის რღვევა და დასავლეთში დივერსიული ოპერაციები ხდება, რაც აჩვენებს, რომ ომის ბედს ამჯერად არა მხოლოდ იარაღი, არამედ მოკავშირეთა ერთობა განსაზღვრავს.

ჰორმუზის სრუტე ირანის უდიდესი ბერკეტია და ირანი სუვერენული უფლებებიდან უკან დახევას არ აპირებს, - ამის შესახებ ირანის პარლამენტის სპიკერმა, მოჰამედ ბაღერ ღალიბაფმა განაცხადა. ღალიბაფის მტკიცებით, ირანსა და შეერთებულ შტატებს შორის ცოტა ხნის წინ მიღწეული ურთიერთგაგების მემორანდუმი მხოლოდ დროებით გათავისუფლებას ითვალისწინებს სრუტეში საზღვაო მომსახურების საფასურისგან და არ ცვლის ირანის პოზიციას სუვერენიტეტის საკითხთან დაკავშირებით.

უკრაინის შეირაღებული ძალების ყოფილი მთავარსარდალი და უკრაინის ამჟამინდელი ელჩი გაერთიანებულ სამეფოში, ვალერი ზალუჟნი, გაერთიანებული სამეფოს პრემიერ-მინისტრის გადადგომამდე კიევში დაიბარეს, სადაც მას ჰკითხეს, მიიღებს თუ არა მონაწილეობას საპრეზიდენტო არჩევნებში, თუ ის შემოდგომაზე ჩატარდება, - ინფორმაციას „უკრაინსკაია პრავდა" ავრცელებს.

მაშინ, როდესაც უკრაინა და მისი დასავლელი მოკავშირეები ფრონტზე პოზიციების შენარჩუნებას ცდილობენ, კიევსა და მის ერთ-ერთ ყველაზე მტკიცე პარტნიორს, ოფიციალურ ვარშავას შორის მეორე მსოფლიო ომისდროინდელმა ისტორიულმა ტრავმებმა ხელახლა იფეთქა. სამხედრო დახმარების შეფერხება, დიპლომატიური დემარშები და ჩამორთმეული სახელმწიფო ჯილდოები ორ მეზობელ ქვეყანას შორის ურთიერთობას სრულმასშტაბიან კრიზისამდე მიჰყავს. ანალიტიკოსები და ევროპელი მაღალჩინოსნები მხარეებს აფრთხილებენ, რომ შიდაპოლიტიკური ქულების წერითა და წარსულის უთანხმოებებით გამოწვეული ეს ბზარი მხოლოდ რუსეთს აძლიერებს, რომელიც ამ დაპირისპირებას დასავლური კოალიციის დასასუსტებლად იარაღად უკვე აქტიურად იყენებს

ისრაელის მინისტრთა კაბინეტის მიერ სომეხთა გენოციდის ერთხმად აღიარება ბევრად მეტია, ვიდრე უბრალოდ „ისტორიული სამართლიანობის აღდგენა". ეს არის იერუსალიმის მკვეთრი გეოპოლიტიკური პასუხი ანკარას, რაც ათწლეულების განმავლობაში არსებული ტაბუს მსხვრევასა და ახლო აღმოსავლეთში ძალთა ბალანსის რადიკალურ ცვლილებაზე მიანიშნებს. ანალიტიკოსების შეფასებით, მაშინ, როდესაც ისრაელი თავად დგას გენოციდის მძიმე ბრალდებების წინაშე საერთაშორისო სასამართლოებში, 1915 წლის ტრაგედიის აღიარება თურქეთთან ურთიერთობების საბოლოო გაწყვეტის ფასად გადადგმული სტრატეგიული სვლაა.

ევროკავშირის უმაღლესი წარმოამდგენლის, კაია კალასისა და ევროკომისიის პრეზიდენტის, ურსულა ფონ დერ ლაიენის უწყებების დაპირისპირება, შესაძლოა, ევროპის საგარეო სამსახურის გაუქმებით დასრულდეს. ანალიტიკოსები მოვლენების განვითარების რამდენიმე სცენარს განიხილავენ და თანხმდებიან, რომ პროცესი მარტივად და სწრაფად ვერ გადაწყდება.

ჩინეთის ჩრდილო-დასავლეთში მდებარე ნინსიას ავტონომიური რეგიონი კიდევ რამდენიმე ათეული წლის წინ უნაყოფო მიწებთან, ქვიშასთან და გობის უდაბნოსთან ასოცირდებოდა. დღეს კი ეს ტერიტორია ჩინეთის მეღვინეობის ფლაგმანია და მსოფლიოს ერთ-ერთ ყველაზე სწრაფად განვითარებად ღვინის რეგიონად მიიჩნევა. 

უკრაინის კონფლიქტისადმი აშშ-ის პრეზიდენტ დონალდ ტრამპის მიდგომა „დიდი შვიდეულის" სამიტის შემდეგ მნიშვნელოვნად შეიცვალა. ამაზე უკვე მოსკოვშიც საუბრობენ და დაუფარავად გამოხატავენ უკმაყოფილებას. დასავლური მედია კი უფრო კონკრეტულ დეტალებზე ამახვილებს ყურადღებას - აშშ აღარ ეთანხმება კრემლის მოთხოვნას, რომ უკრაინის დონეცკისა და ლუგანსკი ოლქები რუსეთის შემადგენლობაში შევიდეს.