თამთა ჩაჩანიძე 23.01.2024
გამოუყოფს თუ არა აშშ უკრაინას დახმარებას, ეს კვლავ კითხვისნიშნის ქვეშაა, თუმცა ევროკავშირისგან კიევისთვის დამაიმედებელი გზავნილები გაჟღერდა, რომ მუშავდება ახალი სტრატეგია, რომელიც უნგრეთის წინააღმდეგობას გვერდს აუვლის. ახალი ფორმულით, შესაძლოა ევროკავშირის წევრმა სახელმწიფოებმა პირდაპირ ორმხრივი შეთანხმება დადონ უკრაინასთან სამხედრო დახმარების მიწოდებაზე, უშალოდ ევროკავშირსა და უკრაინას შორის შეთანხმების ნაცვლად, რაც ანალიტიკოსების აზრით, კეთდება იმისთვის, რომ დახმარების მიწოდების ვადები შემცირდეს და უკრაინამ იმაზე მეტი მიიღოს, ვიდრე ევროკავშირისგან ელოდა.
|
ელზა პაპოშვილი 22.01.2024
უკრაინაში რუსული სამხედრო აგრესია გრძელდება - უკრაინის გენშტაბის ინფორმაციით, გასული 24 საათის განმავლობაში უკრაინულ და რუსულ ძალებს შორის 94 შეტაკება მოხდა. მათივე ცნობით, მტრის შეტევა განსაკუთრებით ინტენსიური სევერსკისა და სლობოჟანსკის მიმართულებითაა, სადაც რუსული ჯარი უკრაინის გამაგრებების დაკავებას უშედეგოდ ცდილობს.
|
ნაზი ბერიძე 22.01.2024
უკრაინის პრეზიდენტი ვოლოდიმირ ზელენსკი არ დაუშვებს ისეთი სამშვიდობო შეთანხმების ხელმოწერას, რომლის მიხედვითაც დონბასის და ყირიმის დროებით ოკუპირებული ტერიტორიები რუსეთის ფედერაციას გადაეცემა. რუსეთის პრეზიდენტი, ვლადიმერ პუტინი მთელი უკრაინის ოკუპაციას ცდილობს და არასოდეს სურდა მშვიდობა,- თქვა უკრაინის პრეზიდენტმა, ვოლოდიმირ ზელენსკიმ.
|
თამთა ჩაჩანიძე 21.01.2024
აშშ-ის პრეზიდენტის ადმინისტრაციაში მიიჩნევენ, რომ თუკი კონგრესმა უკრაინის დახმარების ახალი პაკეტი უახლოეს დღეებში არ დაამტკიცა, ომი შესაძლოა რამდენიმე კვირაში რუსების გამარჯვებით დასრულდეს. ამის შესახებ ამერიკული მედია წერს და იქვე დაკონკრეტებულია, რომ უკრაინულ არმიას მალე შესაძლოა საარტილერიო ჭურვებისა და ჰაერსაწინააღმდეგი თავდაცვის საშუალებების კრიტიკული დეფიციტი შეექმნას. სამხედრო ანალიტიკოსები არ გამორიცხავენ, რომ ეს იყოს როგორც რეალური პროგნოზი, ისე ბაიდენის ადმინისტრაციის მხრიდან ერთგვარი ზეწოლა კონგრესზე, რომ დახმარების პროექტი დაამტკიცონ. კონგრესში რესპუბლიკების მხრიდან დახმარების დაბლოკვა კარგს არაფერს მოიტანს, როცა საწორზე უკვე ევროპისა და მთლიადან დასავლეთის უსაფრთხოება დგას.
|
ნაზი ბერიძე 19.01.2024
დასავლეთის მიერ დაწესებული სანქციების გვერდის ავლის გზების დაბლოკვა რუსეთის ფედერაციის ტერორის დაბლოკვას ნიშნავს, - თქვა უკრაინის პრეზიდენტმა, ვოლოდიმირ ზელენსკიმ. როგორც პოლიტიკის ექსპერტები „რეზონანსთან" ამბობენ, რუსეთის ეკონომიკურად შევიწროება მის მიერ განხორციელებულ აგრესიას შეამცირებს, ხოლო სანციების გვერდის ავლის დაბლოკვა სწორედ ამას გულისხმობს და ამაზე ევროკავშირი სანციების პაკეტის პარალელურად მუშაობს.
|
თამთა ჩაჩანიძე 19.01.2024
შესაძლოა ახალი ტიპის კოალიციური ომი მივიღოთ, სადაც ერთიანი ფრონტი კი არა, იქნება კონფლიქტები რეგიონების მიხედვით - ამის შესახებ „რეზონანსთან" კავკასიის საერთაშორისო უნივერსიტეტის პროფესორმა და სამხედრო ანალიტიკოსმა ვახტანგ მაისაიამ განაცხადა. იგი გამოეხმაურა ნატო-ს სამხედრო კომიტეტის ხელმძღვანელის, ნიდერლანდელი ადმირალის, რობ ბაუერის განცხადებას, რომ ნატო-ს ქვეყნები რუსეთთან ომისთვის უნდა მოემზადონ და მომდევნო 20 წელი რთული იქნება.
|
ნაზი ბერიძე 18.01.2024
აშშ-ის პრეზიდენტმა, ჯო ბაიდენმა კონგრესის ლიდერებს მოუწოდა, რომ უკრაინის დასახმარებლად თანხების გამოყოფის შეფერხება საფრთხეს უქმნის ამერიკის, ნატოს და თავისუფალი სამყაროს უსაფრთხოებას. როგორც პოლიტიკის ექსპერტები „რეზონანსთან" აცხადებენ, თუ უკრაინა რუსეთთან ომს წააგებს, ეს იქნება მთელი ცივილიზებული სამყაროს მარცხი და ამასთან ამერიკის რეიტინგის დაქვეითებაც მსოფლიოში, რაც რადიკალურ ჯგუფებს კიდევ უფრო გააქტიურებს.
|
ელზა პაპოშვილი 17.01.2024
უკრაინის გენშტაბის ინფორმაციით, გასული 24 საათის განმავლობაში უკრაინულ და რუსულ ძალებს შორის 94 შეტაკება მოხდა. მათივე ცნობით, მტრის შეტევა განსაკუთრებით ინტენსიური სევერსკისა და სლობოჟანსკის მიმართულებითაა, სადაც რუსული ჯარი უკრაინის გამაგრებების დაკავებას უშედეგოდ ცდილობს.
|
ნაზი ბერიძე 17.01.2024
რუსეთის პრეზიდენტი ვლადიმირ პუტინი უკრაინას სახელმწიფოებრიობის გაქრობით ემუქრება და შესაბამის მიზეზად ფრონტზე არსებული ძალთა თანაფარდობა მოჰყავს - „თუ მომავალშიც გაგრძელდება ის, რაც ახლა გრძელდება, ის რასაც ახლა აქვს ადგილი. და ახლა ეს სრულიად აშკარაა, არა მხოლოდ ჩავარდა მათი კონტრშეტევა, არამედ ასე გრძელდება, მაშინ უკრაინულმა სახელმწიფოებრიობამ შეიძლება აღუდგენელი, ძალიან სერიოზული დარტყმა მიიღოს,"-თქვა პუტინმა. მისი თქმით, უკრაინის პრეზიდენტის ვოლოდიმირ ზელენსკის მშვიდობის ფორმულა ე.წ. „სამშვიდობო დიალოგის" დამბლოკველ მოთხოვნებს გულისხმობს.
|
თამთა ჩაჩანიძე 16.01.2024
რუსეთ-უკრაინის სამხედრო კონფლიქტის ნატო-რუსეთის ომში გადაზრდის სცენარებზე საუბარი ჯერ კიდევ 2022 წლის თებერვლიდან დაიწყო, დღეს კი თავად დასავლელი ლიდერებიც არ გამორიცხავენ, რომ შესაძლოა ეს მალე რეალობად იქცეს. ამ ომის შესაძლო სცენარზე წერს გერმანული მედიაც ბუნდერსტაგის საიდუმლო დოკუმენტზე დაყრდნობით, სადაც დეტალურადაა გაწერილი ესკალაციის კონკრეტული თარიღები და ლოკაციები, ნატომ ეს ინფორმაცია ოფიციალირად უარყო.
|
ნაზი ბერიძე 15.01.2024
უკრაინის პრეზიდენტი ვოლოდიმირ ზელენსკი შვეიცარიაში ჩავიდა, სადაც დავოსის ფორუმში მონაწილეობს. ამბობს, რომ პარტნიორებთან ძირითადად გატაცებული ბავშვების დაბრუნებაზე, სანქციებზე და გაყინული რუსული აქტივების გამოყენების მექანიზმების ძიებაზე, ასევე ჰუმანიტარულ განაღმვით თანამშრომლობაზე, ფინანსურ მხარდაჭერასა და უკრაინის აღდგენაზე ისაუბრებს.
|
ნაზი ბერიძე 12.01.2024
მიუხედავად დასავლეთის მცდელობისა, რომ ღაზასა და მის გარშემო მიმდინარე ომი დიდ რეგიონულ კონფლიქტში არ გადაზრდილიყო, როგორც ჩანს, დაპირისპირება საზღვრებს სცდება და დიდი ომის კონტურებს იძენს. გუშინ ირანმა დიდი ტანკერი აიყვანა აბორდაჟზე და მისი კონფისკაცია მოახდინა, დღეს კი ამერიკა-ბრიტანეთის კოალიციამ იემენის დაბომბვა დაიწყო, რასაც მალე შეიძლება საფრანგეთიც შეუერთდეს. რა იქნება ირანის და მისი პროქსი ძალების შემდგომი ნაბიჯი, ჯერ არავინ იცის.
|
|
|
|
ინტერნეტ-პორტალი
www.resonancedaily.com
„რეზონანსის“ მედია ჯგუფის აღმასრულებელი დირექტორი:
ზვიად შვანგირაძე
ინტერნეტ-პორტალის მთავარი რედაქტორის მოადგილე:
გვანცა წულაია
რედაქციის ელ-ფოსტა: resonancenewspaper@yahoo.com
ელ-ფოსტა პრეს-რელიზებისა და ანონსებისათვის:
resonancedaily@yahoo.com
სარეკლამო სამსახური
ტელ: 593-105-105
გაზეთ "რეზონანსის" სარეკლამო სამსახურის უფროსი
მედეა იოსავა
resreklama@yahoo.com
ინტერნეტ-პორტალ რეზონანსდეილის სარეკლამო სამსახურის უფროსი
თამარ ადუაშვილი
ტელ: 599-562-562
reswebreklama@yahoo.com
საიტზე გამოქვეყნებული ნებისმიერი პუბლიკაცია წარმოადგენს ინტერნეტ-პორტალის საკუთრებას და მისი მთლიანად ან ნაწილობრივ კომერციული თუ არაკომერციული მიზნებით არალიცენზირებული კოპირება (გამოყენება, გავრცელება, გადაბეჭვდა, რეპროდუქცია, გადაცემა, როგორც ღია ასევე დახურულ მონაცემთა ბაზებში შენახვა) აკრძალულია.
1
|