ნავთობპროდუქტების იმპორტიორთა კავშირის ინფორმაციით, 2022 წლის იანვარ-ნოემბრის თვეების განმავლობაში სანავთობო ბიტუმის იმპორტმა შეადგინა 104,9 ათასი ტონა, რაც 2,1 ათასი ტონით, ანუ 2%-ით ნაკლებია 2021 წლის ანალოგიური პერიოდის მაჩვენებელთან (107 ათასი ტონა) შედარებით.

მიმდინარე წლის პირველი 11 თვის განმავლობაში სანავთობო ბიტუმის იმპორტის ყველაზე დიდი მოცულობა განხორციელდა აზერბაიჯანიდან - 49,4 ათასი ტონა, რაც მთელი იმპორტის 47,1%-ს შეადგენს. შემდეგ მოდიან: თურქეთი - 24,4 ათასი ტონა (23,3%); ერაყი - 22,9 ათასი ტონა (21,8%); რუსეთი - 4,4 ათასი ტონა (4,2%); თურქმენეთი - 3,8 ათასი ტონა (3,6%) და სხვ.

2022 წლის იანვარ-ნოემბრის თვეების განმავლობაში გათხევადებული აირების (LPG) იმპორტმა შეადგინა 39,0 ათასი ტონა, რაც 4,4 ათასი ტონით ანუ 12,7%-ით მეტია გასული წლის ანალოგიური პერიოდის მაჩვენებელთან (34,6  ათასი ტონა) შედარებით.

მიმდინარე წლის 11 თვის განმავლობაში გათხევადებული აირების (LPG) იმპორტის 99,5%  (38,8 ათასი ტონა) განხორციელდა რუსეთის ფედერაციიდან.