"მცირე მეწარმეთათვის ფიქსირებული გადასახადი" - ამ დევიზით გუშინ ფინანსთა სამინისტროს წინ ხალხის პარტიის ლიდერი კობა დავითაშვილი სუპერმარკეტების და ბაზრობის მოვაჭრეების ინტერესებს იცავდა, მიუხედავად იმისა, რომ აქციაზე არც ერთი მოვაჭრე არ იმყოფებოდა. მათ ინტერსებს დავითაშვილი და მისი მომხრეები მჯდომარე აქციით იცავდნენ.

პოლიტიკური პარტიების დატოვების ტენდენცია საქართველოში სულ უფრო ძლიერდება. უცნაური კი ის არის, რომ სხვადასხვა პარტიიდან წასული ხალხი რატოღაც ნოღაიდელის პრატიაში წევრიანდება. ამ ფაქტს ნოღაიდელის თანამოაზრენი იდეოლოგიურ თანხვედრას უკავშირებენ. ოპოზიცია კი ამ იდეოლოგიას "ფულით მოსყიდვას" უწოდებს.

პოლიტიკური პარტიების დატოვების ტენდენცია საქართველოში სულ უფრო ძლიერდება. უცნაური კი ის არის, რომ სხვადასხვა პარტიიდან წასული ხალხი რატოღაც ნოღაიდელის პრატიაში წევრიანდება. ამ ფაქტს ნოღაიდელის თანამოაზრენი იდეოლოგიურ თანხვედრას უკავშირებენ. ოპოზიცია კი ამ იდეოლოგიას "ფულით მოსყიდვას" უწოდებს.

უკრაინის საპრეზიდენტო არჩევნების მეორე ტური, რომელშიც ტიმოშენკო და იანუკოვიჩი მიიღებენ მონაწილეობას, 7 თებერვალს შედგება და მასზე ქართველი დამკვირვებლების დასწრება-არდასწრების საკითხი შესაძლოა, ახალი აჟიოტაჟის საფუძველი გახდეს.
უკრაინული მედია კვლავ ქართველი დამკვირვებლების საეჭვო წარმომავლობაზე საუბრობს. გუშინ სააგენტომ "misro.odesa.ua" გაავრცელა ინფორმაცია იმასთან დაკავშირებით, რომ ქართველი დამკვირვებლები იმყოფებიან ოდესაში. სააგენტოს ცნობით, ისინი არჩევნების მეორე ტურზე სიტუაციის ასარევად არიან ჩასული.

ეროვნული ბანკის პრეზიდენტის გიორგი ქადაგიძის პარლამენტში დაბარებამ შედეგი უკვე გამოიღო. ლარმა გამყარება ერთბაშად დაიწყო. დღეს უკვე 1 დოლარი 1,7297 ლარი ღირს. აღსანიშნავია, რომ ლარის გაუფასურების ოფიციალურ მიზეზად საერთაშორისო ბაზრებზე დოლარის გამყარება სახელდებოდა. მსოფლიოში დოლარი ისევ მყარად დგას, მან გაუფასურება საქართველოში დაიწყო.

რა ხარისხის პროდუქტს მოიხმარს საქართველოს მოსახლეობა? ეს კითხვა საზოგადოებაში უკვე წლებია დგას, თუმცა დღემდე არ არსებობს პასუხი. სურსათზე კონტროლი მთავრობამ შარშან უკვე მესამედ გადასწია, თანაც იმ მარტივი მიზეზის გამო, რომ საქართველოს მოსახლეობის დიდი ნაწილი სიღარიბის ზღვარს ქვემოთ ცხოვრობს, საკვების ხარისხს ნაკლებ ყურადღებას აქცევს.

ბიზნესმენთა დასახმარებლად საგადასახადო შეღავათების დაწესება მთავრობის მხრიდან სერიოზული გადაწყვეტილებაა, რომელსაც ექსპერტების არაერთგვაროვანი შეფასება მოჰყვა. საქმე ისაა, რომ სახელისუფლო სტრუქტურებმა ამჯერად მსხვილი ბიზნესი შეარჩიეს. მათ შორის აღმოჩნდნენ საკმაოდ ძლიერი კომპანიები, რომელთა "გადახდისუუნარობა", ცოტა არ იყოს, ძნელად დასაჯერებელია.

ყველას, ვისაც სახელმწიფო აძლევს ჯანმრთელობის დაზღვევის ვაუჩერს, სადაზღვევო კომპანია "ალფა" სამედიცინო მომსახურებასთან ერთად, დამატებით სთავაზობს ავერსის აფთიაქებში 100 ლარის მედიკამენტებს უფასოდ და ექიმის დანიშნულ წამლებს ნახევარ ფასად. ამ ინიციატივამ სადაზღვევო ბაზარზე დიდი სკანდალი გამოიწვია. რეალურად რა მიზანი აქვს "ავერსს" და როგორ უნდა რეგულირდებოდეს სადაზღვევო ბაზარი, ამ საკითხზე "რეზონანსი" ექსპერტს ეკონომიკურ საკითხებში, ლევან კალანდაძეს ესაუბრა.

საგადასახადოს გზირებმა მთელი ძალით დედაქალაქის ყველა უბანში მდებარე სურსათისა თუ საოჯახო ტექნიკის მაღაზიებს შეუტიეს. ბიუჯეტის ამოსავსებად ისინი ახალ-ახალ მეთოდებს იგონებენ. ამჯერად მეწარმეებს ქვითრის რამდენიმე წამით გვიან გამოწერისთვის აჯარიმებენ.

"ჩვენი მოსწავლეების დაბალი და მოკრძალებული შედეგები პირველ რიგში განპირობებულია იმით, რომ ჩვენ მათ სათანადოდ ვერ ვეხმარებით. "ჩვენ"-ში შედის ყველა - სახელმწიფო, რომელიც დღეს არსებული რეალობის გათვალისწინებით, უფრო მეტ ინვესტიციას ვერ დებს განათლების სისტემაში, განათლების სისტემა, რომელმაც უნდა განსაზღვროს პრიორიტეტები, და ამისათვის სჭირდება კვლევებით მიღებული სურათი, ოჯახი, გარემო სადაც იზრდება ბავშვი..." - ამბობს "რეზონანსთან" საუბრისას გამოცდების ეროვნული ცენტრის წარმომადგენელი ია კუტალაძე.

ეს ისტორია არც ახლა დაწყებულა და არც მხოლოდ ერთ კონკრეტულ ფაქტს თუ ადამიანების ერთ ჯგუფს ეხება. ამბავი, რომელიც დღევანდელობის ერთ-ერთ აქტუალურ თემად იქცა, რომელმაც საქართველოს მთელი თეატრალური საზოგადოება გააერთიანა და ერთი პრობლემით ააღელვა, ნოდარ დუმბაძის სახელობის ცენტრალურ საბავშვო თეატრსა და მასში განვითარებულ მოვლენებს უკავშირდება.

"ადამიანის უფლებათა ცენტრი" ჟურნალისტ საბა წიწიკაშვილის ფიზიკური შეურაცხყოფის ფაქტს აპროტესტებს და მომხდარის გამოძიებას მოითხოვს. ცენტრის ცნობით, მათ კორესპონდენტს შიდა ქართლის ადმინისტრაციის დაცვის თანამშრომლებმა ფიზიკური შეურაცხყოფა მიაყენეს.
ორგანიზაციის ინფორმაციით, შემთხვევა 22 იანვარს მოხდა, როცა წიწიკაშვილი ადმინისტრაციაში რამდენიმე დღის წინ გამოთხოვილი საჯარო ინფორმაციის მისაღებად მივიდა.

"ამერიკის ხმა", ვაშინგტონი
თურქეთსა და ისრაელს შორის ბოლო დროს გართულებული ურთიერთობა ანალიტიკოსების ფიქრის და მსჯელობის საგანი გახდა. მათ შორის, ერთ დროს მჭიდრო პარტნიორობა, განსაკუთრებით ცივი ომის პერიოდში ახლო აღმოსავლეთის რეგიონში სტაბილურობის გარანტი იყო. თუმცა, საბჭოთა კავშირის დასრულების შემდეგ, ამ ურთიერთობებმა თანდათანობითი შეცვლა დაიწყო. კავკასიის რეგიონში საზღვრების გახსნამ თურქეთის რეგიონალური ინტერესების გაღრმავება გამოიწვია, რამაც კავკასიაში მისი სტრატეგიული პარტნიორის - აზერბაიჯანის ინტერესების გაძლიერებასც შეუწყო ხელი.

თურქეთი ცდილობს სომხეთთან ისტორიული შეთანხმების რატიფიცირების გაჭიანურებას და ამის გამო რაღაც-რაღაცებს იგონებს. ამის შესახებ "რეზონანსს" ერევნელმა ექსპერტმა სერგეი მინასიანმა განუცხადა.

გასული წლის დასასრულს ეროვნული კრების მოწყობის იდეა ახალი ფორმით და წარმომადგენლობითი საინიციატივო ჯგუფის ახალი განახლებული შემადგენლობით აღდგა. ოფიციალური განცხადება 8 და 21 იანვარს გაკეთდა.
პრესკონფერენციებზე წარმოდგენილმა სხვადასხვა არასამთავრობო ორგანიზაციების ხელმძღვანელებმა თუ წარმომადგენლებმა ერთხმად განაცხადეს, რომ ამჯერად ეროვნული კრების მოწყობას არა რომელიმე კონკრეტული პოლიტიკული ძალა, არამედ სხვადასხვა მიმართულების მქონე ორგანიზაციები და, რაც მთავარია, 2006 წლის დეკლარაციაზე ხელმომწერნიც შემოუერთდნენ.

სულ მალე განახლდება ჩემპიონთა ლიგის გათამაშება. ყველაზე დიდ ინტრიგას, ბუნებრივია, "ჩელსი" - "ინტერის" წყვილი იწვევს, კარლო ანჩელოტისა და ჟოზე მოურინიოს დაპირისპირება, სავარაუდოდ, სეზონის ერთ-ერთი საინტერესო შერკინება იქნება.

საქართველოს უშიშროების ორგანოებში მთელი მისი არსებობის მანძილზე საქმიანობის წარმოება მიმდინარეობდა ცენტრალიზებულად, იმართებოდა ქ. მოსკოვიდან. გამონაკლისს არც უწყების არქივის საქმის წარმოება წარმოადგენდა. საარქივო ქვედანაყოფის თანამშრომლები შეირჩეოდნენ, ინიშნებოდნენ, საჭიროების შემთხვევაში გადაადგილდებოდნენ კიდევაც და თავისუფლდებოდნენ სამსახურიდან უშიშროების ადგილობრივი ხელმძღვანელობის მიერ, მაგრამ მათი ყოველდღიური საქმიანობა წარიმართებოდა საკავშირო სუკ-ში შემუშავებული და დამტკიცებული ბრძანებებისა და ინსტრუქციების შესაბამისად.

   საზოგადოებისათვის ცნობილია, თუ რა შედეგით დამთავრდა ამერიკის შეერთებული შტატების "ეროვნულ-დემოკრატიული ინსტიტუტის" (NDI) ფორმატით ჩატარებული კონსულტაციები ადგილობრივ არჩევნებთან დაკავშირებით. ნაციონალურმა მოძრაობამ და კონსულტაციებში პარიტეტული წესით მონაწილე ოპოზიციური პოლიტიკური ორგანიზაციების უმეტესმა ნაწილმა ყველაფერი გააკეთა საიმისოდ, რომ ამ არჩევნებში ხელისუფლებამ როგორმე მისთვის მომგებიან სასტარტო პოზიციას მიაღწიოს.