ქვეყნის სატრანსპორტო და ლოგისტიკური პოტენციალის სრულად გამოყენების მიმართულებით, მთავრობა მიზნად ისახავს სექტორის კონკურენტუნარიანობის გაზრდას და მდგრადი, ეფექტური სატრანსპორტო კავშირების შექმნას ისახავს, რომლებიც მნიშვნელოვან როლს შეასრულებენ ქვეყნის ეკონომიკური ინტეგრაციის გაძლიერებაში, - ამის შესახებ ეკონომიკისა და მდგრადი განვითარების მინისტრობის კანდიდატმა, ლევან დავითაშვილმა განაცხადა.

სამმა ოპოზიციურმა პარტიამ სიების ჩახსნაზე ცესკოს უკვე მიმართა. ჯერჯერობით გაურკვეველია რას აპირებს პარტია „გახარია საქართველოსთვის". ცესკომაც, თავის მხრივ, უკვე სამშაბათს დააკმაყოფილა მათი ეს განცხადებები. ახლა მოსალოდნელია, რომ ამ პარტიების მხრიდან პარლამენტში გასული დეპუტატები უკვე ინდივიდუალურ განცხადებებს დაწერენ მანდატების გაუქმების მოთხოვნით. თუმცა, მმართველ გუნდში დარწმუნებული არიან, რომ ოპოზიცია საბოლოოდ პარლამენტში შევა. ანალიტიკოსების მოსაზრებები კი ამასთან დაკავშირებით სხვადასხვაგვარია.

საპრეზიდენტო არჩევნების ჩატარების თარიღი უკვე ცნობილია. ახალი წესით - 300-კაციანი კოლეგიით - არჩევნები პარლამენტში 14 დეკემბერს ჩატარდება და თუ რომელიმე კანდიდატმა კოლეგიის წევრთა ხმების 2/3 მხარდაჭერა ვერ მოიპოვა, იმავე დღეს არჩევნების მეორე ტურიც ჩატარდება. ინაუგურაციის დღედ კი 29 დეკემბერი განისაზღვრა, პარლამენტმა აღნიშნული დადგენილების პროექტს 26 ნოემბერს უყარა კენჭი. თუმცა, ამ არჩევნებზე მმართველი პარტია, შესაძლოა, გარკვეული პრობლემის წინაშე აღმოჩნდეს - ოპოზიციის ბოიკოტის შემთხვევაში, ხმოსანთა კოლეგიაში, შესაძლოა, ვერ მოგროვდეს იმდენი წევრი, რაც ახალი პრეზიდენტის პირველივე ტურში არჩევისთვისაა საჭირო.

იმ ფონზე, როდესაც ოპოზიცია დემორალიზებული და დეზორიენტირებულია და 26 ოქტომბრის არჩევნების შემდეგ ქვეყანაში მასშტაბური საპროტესტო ტალღის აგორების მცდელობაც პრაქტიკულად ჩავარდა, კრემლშ კვლავ საუბრობენ საქართველოში მოსალოდნელ „ფერად რევოლუციაზე". რა დგას ამ განცხადებების უკან და რეალურად რამდენად მოსალოდნელია საქართველოში საპროტესტო მუხტის გაძლიერება?

უკვე ცნობილია მეტერთმეტე მოწვევის პარლამენტში ვის რა ფუნქცია ექნება "ქართული ოცნების" 89 დეპუტატიდან. პარლამენტის თავმჯდომარე კვლავ შალვა პაპუაშვილი იქნება, სიახლეა სპიკერატში, დამტკიცეს კომიტეტების თავმჯდომარეებიც, ამასთან, ცნობილი გახდა, რომ მანდატებს ტოვებენ "ოცნების" საპატიო თავმჯდომარე ბიძინა ივანიშვილი, მოქმედი და ყოფილი პრემიერები ირაკლი კობახიძე და ირაკლი ღარიბაშვილი.

საქართველოს პარლამენტის თავმჯდომარის, შალვა პაპუაშვილის განცხადებით, პრეზიდენტის არჩევის თარიღს პარლამენტი 26 ნოემბერს ჩანიშნავს. მისივე თქმით, მნიშვნელოვანია, რომ პრეზიდენტის არჩევა და ინაუგურაცია მიმდინარე წელს ჩატარდეს.

პრემიერ-მინისტრმა ირაკლი კობახიძემ, საგარეო საქმეთა მინისტრის თანამდებობაზე მაკა ბოჭორიშვილი წარადგინა, იუსტიციის მინისტრად ანრი ოხანაშვილი, ხოლო გარემოს დაცვისა და სოფლის მეურნეობის მინისტრის თანამდებობაზე დავით სონღულაშვილი. კობახიძის თქმით, ყოფილი მინისტრები - ილია დარჩიაშვილი, რატი ბრეგაძე და ოთარ შამუგია "საქმიანობას სახელმწიფო სამსახურში მაღალ თანამდებობებზე განაგრძობენ".

25 ნოემბერს დაგეგმილი პარლამენტის პირველი სხდომისთვის ოპოზიცია საგანგებოდ ემზადება. წინასწარ ცნობილია, რომ სხდომას დაესწრებიან მთავრობის წევრები, მმართველი პარტიის 89 დეპუტატი და „ქართული ოცნების“ საპატიო თავმჯდომარე ბიძინა ივანიშვილი. პარლამენტის შენობასთან ისევ მოსალოდნელია მასშტაბური აქცია და შეტაკება პოლიციასთან, რაც, ანალიტიკოსების აზრით, მნიშნელოვნად განსაზღვრავს იმას, თუ როგორ განვითარდება მოვლენები უახლოესი კვირეების განმავლობაში.

1-ლი დეკემბრიდან ევროკავშირის პოლიტიკური ხელმძღვანელობა იცვლება. ევროპული საბჭოს პრეზიდენტის თანამდებობაზე შარლ მიშელს პორტუგალიის ყოფილი პრემიერი ანტონიო კოშტა ჩაანაცვლებს, ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენლის პოსტს, ჯოზეფ ბორელის ნაცვლად, ესტონეთის პრემიერ-მინისტრი კაია კალასი დაიკავებს, ხოლო ევროკომისიის პრეზიდენტი კვლავ ურსულა ფონ დერ ლაიენი იქნება. რა შეიცვლება ამით საქართველო-ევროკავშირის ურთიერთობებში, რომელც ბოლო დროს უკიდურესად დაძაბულია?

აშშ-სა და ევროკავშირის მაღალჩინოსნები, 26 ოქტომბრის არჩევნებზე საერთაშორისო გამოძიების ჩატარების პარალელურად, ლგბტ პროპაგანდის საწინააღმდეგო და უცხოური გავლენების კანონის გაუქმებას მოითხოვენ. „ქართული ოცნება" უკან არ იხევს და აცხადებს, რომ კანონებს არ გააუქმებს, თუმცაღა ანალიტიკოსთა ნაწილი მიიჩნევს, რომ მმართველმა პარტიამ ეს კანონები პოლიტიკური ვაჭრობისთვის გამოიყენოს და დასავლეთის მიერ 26 ოქტომბრის არჩევნების ლეგიტიმურად ცნობის სანაცვლოდ მათზე უარი თქვას.

დასავლეთის პოლიტიკურ წრეებში პრეზიდენტი სალომე ზურაბიშვილი განიხილება, როგორც მათთვის ყველაზე მისაღები პოლიტიკოსი საქართველოში. შესაბამისად, პრეზიდენტობის ვადის ამოწურვის შემდეგ იგი, შესაძლოა, ოპოზიციის ერთ-ერთ მთავარ ლიდერად მოგვევლინოს და მომავალ წელს ახალი ოპოზიციური გაერთიანებაც კი შექმნას. ამის შესახებ „რეზონანსთან" ანალიტიკოსების საუბრობენ და მოქმედი პრეზიდენტის შესაძლო თანამებრძოლებსაც ასახელებენ. თავად სალომე ზურაბიშვილი კი, რომელსაც პრეზიდენტობის ვადის ამოწურვამდე დაახლოებით 3 კვირა რჩება, ამბობს, რომ არსად წავსლას არ აპირებს.

"გახარია საქართველოსთვის" მანდატების შეწყვეტაზე პარლამენტისთვის ამ ეტაპზე მიმართვას არ აპირებს, პარტიაში აცხადებენ, რომ შესაფერის დროს დაელოდებიან. ოპოზიციის ნაწილში ამბობენ, რომ ვინც არ დაწერს მანდატების გაუქმებაზე განცხადებას, ეს იქნება "ორმაგი თამაში". ურთიერთსაწინააღმდეგოა ანალიტიკოსთა პოზიციებიც.