მიუხედავად იმისა, რომ არჩევნებიდან უკვე მესამე კვირა გავიდა, ოპოზიცია მაინც დარწმუნებულია, რომ ბრძოლის მთავარი ფრონტის ხაზი ქუჩაზე გადის. ამიტომ ოპოზიციის ლიდერები ისევ აანონსებენ აქციებს და საყოველთაო დაუმორჩილებლობას. ასევე ერთმანეთს მოუწოდებენ, რომ საპარლამენტო სიები ჩახსნან, რათა პარლამენტი არალეგიტიმურად გამოცხადდეს.

სტუდენტურ გამოსვლებს ძალიან დიდი მნიშვნელობა აქვს. სტუდენტების მოძრაობა და პლუს ოპოზიცია, ეს არის სიტყვა, რომ საქართველოში შეჩერება არ შეიძლება. ამ სიტუაციაში გამორცხული არაა, რომ არჩევნების საკითხის გარდა, სხვა თემებიც იქნას წამოწეული, - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

ბათუმის სახელმწიფო უნივერსიტეტის სტუდენტებმა ღამე სასწავლებელში გაათენეს, ისინი 26 ოქტომბრის არჩევნების შედეგებს აპროტესტებენ და 15 ნოემბერს, უნივერსიტეტის ეზოში აქციასაც აანონსებენ, მათ უერთდებიან თბილისიდანაც - ჯიპა-ს, სტუ-ს, ილიაუნის, თსსუ-სა, და თსუ-ს სტუდენტების ნაწილი პროტესტს მხარდაჭერას და სოლიდარობას უცხადებს.

"დაიბრუნე ხმა"- ამ ლოზუნგით პარლამენტთან 17 ნოემბერს აქცია კვლავ გაიმართება. როგორც სოციალურ ქსელში გავრცელებულ ანონსშია ნათქვამი, ადამიანები, რომლებიც საპარლამენტო არჩევნებს აკვირდებოდნენ, ხალხს თავად მოუყვებიან " რა ნახეს 26 ოქტომბერს საარჩევნო უბნებზე", ასევე, იურისტები მომხდარს სამართლებრივად შეაფასებენ, აქციის ორგანიზატორები კი ხედვას და მოქმედების გეგმებს გააცნობენ.

ოპოზიცია კვლავ ამტკიცებს, რომ ბრძოლის მთავარი ხაზი ქუჩაში აქციებზე გადის, ამიტომ არცერთი დღე პროტესტის გარეშე არ უნდა იყოს. მათი თქმით,  გაყალბებული არჩევნების და მოპარული ხმების დასაბრუნებლად სამოქალაქო საზოგადოება დემონსტრაციებს განაგრძობს.

ოთხშაბათს, ევროპარლამენტში საქართველოს შესახებ დებატები გაიმართა, სადაც ევროპელმა დეპუტატებმა 26 ოქტომბრის არჩევნები გააკრიტიკეს და ევროკავშირის შემდგომ შესაძლო ნაბიჯებზე იმსჯელეს. რამდენიმე ევროპარლამენტარმა კი განაცხადა, რომ საქართველოში შექმნილი ვითარება ევროკავშირის და დასავლეთის სხვა ქვეყნების "უსამართლო პოლიტიკის შედეგია".

ოპოზიცია ბრძოლას რამდენიმე მიმართულებით აგრძელებს და კვლავ ხელახალი არჩევნების ჩატარებას მოითხოვს. მათი აზრით, არ უნდა შეწყდეს ქუჩაში აქციები, ასევე მოხდეს ოპოზიციური სიების ჩახსნა და გაგრძელდეს სამართლებრივი ბრძოლა იმის დასამტკიცებლად, რომ არჩევნები გაყალბდა. 

სალომე ზურაბიშვილს პრეზიდენტობის ვადა ამ წლის ბოლოს ეწურება და როგორც პრემიერ-მინისტრი ირაკლი კობახიძე ამბობს, საპრეზიდენტო არჩევნები იანვრის დასაწყისში გაიმართება. ამჯერად პრეზიდენტს 300 კაციანი საარჩევნო კოლეგია ირჩევს და ანალიტიკოსები არ გამორიცხავნ, რომ ახლა "ოცნებაში" მიდიოდეს კანდიდატურის შერჩევის პროცესი, ან უკვე შერჩეული ჰყავს.

აფხაზეთის უმაღლესი საბჭოს თავმჯომარე, ჯემალ გამახარია 15 ნოემბერს აფხაზეთში დიდ წინააღმდეგობასა და შეტაკებას ვარაუდობს. ექსპერტის კავკასიის საკითხებში მამუკა არეშიძის აზრით კი, „პარლამენტში" ორმხრივი წინააღმდეგობაა - სადავო კანონის მიღება რუსეთთან საინვესტიციო შეთანხმების არ გამორიცხავს, რაც მისივე აზრით, აფხაზურ ეკონიმიკას საერთოდ ჩამოშლის.

ცენტრალურ საარჩევნო კომისიას 21 ნოემბრამდე აქვს ვადა, რომ არჩევნების შემაჯამებელი ოქმი გამოავქყენოს, რის შემდეგაც ათ დღეში საქართველოს პრეზიდენტმა პარლამენტის პირველი სხდომა უნდა მოიწვიოს. პრეზიდენტი სალომე ზურაბიშვილი არჩევნებს არ აღიარებს, ამასვე ამბობს ოპოზიცია და დასძენს, რომ "პარლამენტს ლეგიტიმაციას არ მისცემენ" და არ შევლენ, ნაწილმა წერილობითაც მიმართა ცესკო-ს არ გაატაროს მათი სიები რეგისტრაციაში და პარლამენტს ოპოზიციონერი დეპუტატების უფლებამოსილების საკითხი არ გადასცეს, თუმცა "ოცნება" ამბობს, რომ ზურაბიშვილისა და ოპოზიციონერი დეპუტატების გარეშეც დაიწყებს მუშაობას პარლამენტი.

„ერთიანობა - ნაციონალური მოძრაობა" და „კოალიცია ცვლილებებისთვის" ცენტრალურ საარჩევნო კომისიას მიმართავენ, რომ არ გაატაროს მათი საარჩევნო სიები რეგისტრაციაში და მათი დეპუტატების უფლებამოსილების საკითხი არ გადასცეს პარლამენტს „განსახილველადაც კი". ოპოზიციონერმა პოლიტიკოსებმა მანდატების ჩახსნასთან დაკავშირებით ინდივიდუალური განცხადებები დაწერეს. ანალიტიკოსები ოპოზიციის ამ გადაწყვეტილებას სამართლებრივ ნონსენსად მიიჩნევენ, თუმცა ფიქრობენ, რომ ეს მმართველი გუნდის პროპაგანდის საპასუხოდ გაკეთდა, რადგან „ქართული ოცნების" წარმომადგენლები მუდმივად იმაზე საუბრობენ, რომ ოპოზიცია საბოლოოდ მაინც შევა მის მიერვე არალეგიტიმურად გამოცხადებულ პარლამენტში.

აპირებს თუ არა ოპოზიცია ბრძოლის სტრატეგიის შეცვლას? ოპოზიციის ლიდერები ბოლო დროს აკეთებენ მინიშნებებს, რომ „გადამწყვეტი მოქმედებებს“, შესაძლოა, არა ახალი პარლამენტის შეკრების, არამედ ცესკოს მიერ არჩევნების შემაჯამებელი ოქმის გამოქვეყნების დღეს მიმართონ. რამდენად გამართლებულია ეს გადაწყვეტილება და რას მისცემს ეს ოპოზიციას?