საქართველოს პრემიერ მინისტრი ირაკლი ღარიბაშვილი სამშაბათს ბრატისლავაში გამართულ გლობალური უსაფრთხოების ფორუმს (GLOBSEC) დაესწრო და ფორუმის ფარგლებში თემატურ დისკუსიაში მიიღო მონაწილეობა. საუბრის ძირითადი თემები იყო საქართველოსა და ევროკავშირის, საქართველოსა და რუსეთის ურთიერთობები და ასევე მნიშვნელოვანი დრო დაეთმო საქართველოს მიერ ევროკავშირის წევრობის კანდიდატის სტატუსის მისაღებად შესასრულებელ რეკომენდაციებსა და ამ მხრივ მიღწეულ პროგრესზე საუბარს.