როგორ იმოქმედა „ნაცმოძრაობაში" მიმდინარე პროცესებმა სააკაშვილის იმიჯზე და საერთოდ, ვიოს მხარესაა ექსპრეზიდენტი ამ დაპირისპირებაში? ანალიტიკოსთა შეფასებით, ის „ნაციონალურ მოძრაობაში" რჩება, რაც ნიშნავს, რომ ლევან ხაბეიშვილის მომხრეა, თუმცა, რადგანაც არც ხაბეიშვილი და არც ნიკა მელია მისი ფავორიტებიო არ არიან, მიმდინარე პროცესებში სააკაშვილის ნეიტრალიტეტიც ლოგიკურია. თუმცა, ის ფაქტი, რომ ექსპრეზიდენტის ინიცირებულმა ერთობის მანიფესტმა სრული კრახი განიცადა, სააკაშვილის იმიჯს სერიოზულად აზიანებს და აჩვენებს, რომ პარტიაზე მისი გავლენა მნიშვნელოვნად შემცირებულია.

„სალომე ზურაბიშვილი აგვისტოში გადადგება და ოპოზიციის კამპანიის ლიდერი გახდება“ - ირაკლი კობახიძე ამტკიცებს, რომ ზურაბიშვილი გახარია გზას გაივლის და მასაც „გადააყენებენ". ამასთან, "ოცნების" ლიდერი აანონსებს, რომ  პრეზიდენტი არჩევნების არალეგიტიმურად გამოცხადების კამპანიაში ჩაერთვება, იტყვის, რომ არჩევნები გაყალბდა და შედეგებს კითხვის ნიშნის ქვეშ დააყენებს.  

ექსპრემიერმა გიორგი გახარიამ არჩევნებისთვის გააქტიურება „ოცნების" მწვავე კრიტიკით დაიწყო. დასძენს, რომ 20 ივნისის მოვლენებს თავის თავზე იღებს, თუმცა კვლავ პასუხგაუცემელია მთავარი კითხვა, ვინ გასცა აქციის დაშლის ბრძანება. ამ დრომდე „საქართველოსთვის" წევრები აცხადებენ, რომ 2024 წლისთვის არცერთ პარტიასთან ალიანსს არ აპირებენ, თუმცა ანალიტიკოსებს ეჭვი აქვთ, რომ თუ პრეზიდენტმა სალომე ზურაბიშვილმა არჩევნებში მონაწილეობის მიღება გადაწყვიტა, გახარია მასთან ალიანსს დათანხმდება.

კანდიდატის სტატუსის მიღებამ, რომელიც შეიძლება ითქვას, „ჯუვეში გვქონდა", შეიძლება მარტამდე გადაიწიოს. თუმცა ამაში დამნაშავე არც საქართველო იქნება და არც გაფართოების პაკეტში შემავალი რომელიმე ქვეყანა - ეს უნგრეთის პოზიციას უკავშირდება, რომელიც ბრიუსელიდან შეჩერებული ფინანსური დახმარების გადარიცხვას ითხოვს, რომელიც სხვადასხვა კონსერვატიული კანონების მიღების გამო გაუყინეს.

„ნაციონალურ მოძრაობას", რეგიონული ორგანიზაციების წევრების წასვლისა და 9-თვიანი დაპირისპირების შემდეგ ნიკა მელია ტოვებს და საკუთარ პარტიას აფუძნებს. რა ბედი ელის მთავარ ოპოზიციურ ძალას? პოლიტიკის ექსპერტები „რეზონანსთან" პარტიის დასუსტებას პროგნოზირებენ, ხოლო თავად პარტიაში იმედი აქვთ, ახალი ძალებით შეუდგებიან ბრძოლას და არაფერი მნიშვნელოვანი დანაკლისი არ განუცდიათ.

ნიკა მელია პარტიას აფუძნებს და როგორც თავად ამბობს, მასზე მუშაობა უკვე დაწყებულია. ჯერჯერობით უცნობია მის პოლიტიკურ ბლოკში ვის ვიხილავთ, თუმცა კონკრეტული პოლიტიკოსების განცხადებების საფუძველზე შეიძლება ვივარაუდოთ, რომ მელიას ოპოზიციურ ფრთას ენმ-დან წასულები შეუერთდებიან, მათ შორის ისინი, ვინც რეგიონული საკრებულოები დატოვა.

ენმ-ის ყოფილი თავმჯდომარის ნიკა მელიას მორიგმა საგანგებო განცხადებამ კვლავ ბევრი კითხვა დატოვა - მას სიტყვასიტყვით არ უთქვამს ტოვებს თუ არა „ნაციონალურ მოძრაობას", თუმცა გამოსვლის შინაარსით რჩება შთაბეჭდილება, რომ მიდის და სხვა პლატფორმიდან ბრძოლას მალე დაანონსებს. მელიამ ბრიფინგზე საკუთარ თავს დაუსვა კითხვა, მიდის თუ არა, საპასუხოდ კი გააჟღერა, რომ „წინ მიდის მომავლისკენ და წარსულს ტოვებს წარსულში".

ევროპული საბჭოს გადაწყვეტილებამდე ცოტა ხნით ადრე, უნგრეთს, რომელიც წინააღმდეგია, რომ უკრაინამ ევროკავშირთან მოლაპარაკებები დაიწყოს, საქართველოს დელეგაცია ოთხდღიანი ვიზიტით სტუმრობს. იმართება მაღალი დონის შეხვედრები, საიდანაც მმართველმა გუნდმა მიიღო მყარი პირობა, რომ „უნგრეთი მხარს დაუჭერს საქართველოსთვის სტატუსის მინიჭებას. უნგრეთის პოზიციაა, რომ ეს არის უალტერნატივო გადაწყვეტილება, რომელიც უნდა იყოს მიღებული".

საპარლამენტო არჩევნების მოახლოებასთან ერთად, ოპოზიცია ახალ კონფიგურაციებზე იწყებს ფიქრს. 5%-იანი ბარიერის შენარჩუნებამ პოლიტიკურ დღის წესრიგში ალიანსების შექმნის თემა გაააქტიურა. მომდევნო არჩევნებზე ბლოკების შექმნა იკრძალება, ამიტომ ოპოზიციური პარტიების ნაწილი ბარიერის გადალახვის გზებს და პოტენციურ პოლიტიკურ პარტნიორებს ეძებს. 

„ნაცმოძრაობის" გაყოფა-დაშლის პროცესი კვლავ გრძელდება, ბათუმისა და ზუგდიდის მერე რიგში კასპია, რაიონული ორგანიზაციის წევრებმა და ასევე, საკრებულოს 6-მა დეპუტატმა პარტია დატოვეს. ანალიტიკოსთა პროგნოზით, ეს კამპანია გაგრძელდება და დიდი ალბათობით ყველა რეგიონს მოიცავს, რის შემდეგაც ნიკა მელია გამოაცხადებს თუ რა პლატფორმა იქმნება და მასში ვინ შევა. ენმ-დან წასული დეპუტატი რომან გოცირიძეც სავარაუდო დროდ თებერვალს ასახელებს.

სალომე ზურაბიშვილს პრეზიდენტობის ვადა 2024 წლის ბოლოს ეწურება, თუმცა, პოლიტიკური ძალები, მათ შორის „ოცნებაც" ხშირად საუბრობს იმაზე, რომ შესაძლოა ზურაბიშვილმა ოპოზიციურ ფლანგზე შექმნას მოძრაობა და 2024 წლის არჩევნებისთვის იბრძოლოს, მათ განსაკუთრებით ეჭვებს უჩენთ პრეზიდენტის ბოლო აქტოვობები.

„ნაციონალურ მოძრაობას" რეგიონალური საკრებულოს წევრები ერთმანეთის მიყოლებით ტოვებენ, „ოცნებას" მიაჩნია, რომ ის, რაც ოპონენტ პარტიაში ხდება, ეს პოლიტიკური დასასრულია. ანალიტიკოსთა ნაწილიც ფიქრობს, რომ ამით მმართველ პარტიას 2024 წლის არჩევნებში დაწინაურება უფრო გაუადვილდება, თუმცა, ნაწილი 2017 წლის მოვლენებს იხსენებს, როდესაც მიუხედავად იმისა, რომ „ნაცმოძრაობა" „ევროპულმა საქათველომ" დატოვა, მაინც რეიტინგს ინარჩუნებდა.