ვლადიმერ პუტინი უახლოეს საათებში საქართველოს მეზობელ აზერბაიჯანს ეწვევა, კრემლის პრესსამსახურის ინფორმაციით, ბაქოსთან მთავარი განსახილველი საკითხები „სტრატეგიული პარტნიორობის შემდგომი განვითარება" და მსოფლიოსა და რეგიონში მიმდინარე მოვლენებია. ანალიტიკოსები „რეზონანსთან" ამბობენ, რომ რუსეთის პრეზიდენტის მიზანია შექმნილ სიტუაციაში მოკავშირე იპოვოს, ეს კი საქართველოსთვის სიგნალია, რომ „ფრთხილად უნდა ვიყოთ".

კურსკის ოლქში ცნობილი მოვლენების ფონზე, რუსულ საინფორმაციო სივრცეში გამოჩნდა ახალი კერძო სამხედრო კომპანია, რომელიც სახელმწიფო გადატრიალების მოწოდებით გამოდის. ანალიტიკოსთა შეფასებით, ეს პირველ რიგში იმას ნიშნავს, რომ კრემლის მოქმედებებით უკმაყოფილება უკვე გავლენიან სამხედრო ვეტერანებშიც იზრდება და თუ ფრონტზე ვითარება სექტემბრისთვის რადიკალურად არ შეიცვალა, ეს შესაძლოა პრეზიდენტ პუტინისათვის მეტად უსიამოვნოდ დასრულდეს.

უკრაინელები კურსკის ოლქში წინსვლას განაგრძობენ და პარალელურად, უკვე დაკავებული ტერიტორიების გამაგრებაზე არიან გადასული. აქტიურად დაიწყო შეტევა ბელგოროდის მიმართულებაზეც. ამის გამო ბელგოროდში 14 აგვისტოს ოფიციალურად გამოცხადდა საგანგებო მდგომარეობა. რუსები კი უკვე იძულებული არიან უშუალოდ უკრაინის ფრონტიდან გადაისროლოს სამხედრო ნაწილები თავისი ტერიტორიების დასაცავად

უკრაინული ნაწილები წარმატებით მიიწევენ წინ რუსეთის კურსკის ოლქში, თუმცა რუსები იგივეს აკეთებენ უკრაინის დონეცკის ოლქში. სამხედრო ანალიტიკოსების შეფასებით, კურსკის ოლქში მოულოდნელი ფართომასშტაბიანი შეტევის დაწყებით ოფიციალური კიევი სერიოზულ რისკზე წავიდა, რომლის შედეგებიც ჯერჯერობით ბუნდოვანია.

უკვე მეოთხე დღეა, უკრაინელების შეტევა რუსეთის ტერიტორიაზე, კურსკის ოლქში, აქტიურად მიმდინარეობს. 11 აგვისტოს გამთენიისას მათ ბელგოროდის ოლქზეც სცადეს შეტევა. რეიდში ქართველი მოხალისეებიც მონაწილეობენ. ადგილობრივ მოსახლეობაში ისევ პანიკაა. ისინი ამბობენ, რომ რუსული მედია არ აშუქებს რეალურად რა მძიმე მდგომარეობაა. მათი ევაკუაცია არაორგანიზებულად მიდის. ანალიტიკოსები იმასაც ვარაუდობენ, რომ პუტინის ზეწოლით, შესაძლოა, ომში ბელარუსიც ჩაებას.

უკრაინის შეიარაღებული ძალები რუსეთში, კურსკის ოლქში უკვე 100 კვადრატულ კილომეტრს აკონტროლებენ - ინფორმაციას ამერიკული „ვაშინგტონ პოსტი“ უკრაინის პრეზიდენტ ვოლოდიმირ ზელენსკის მრჩევლზე დაყრდნობით ავრცელებს.

კურსკის ოლქში უკრაინული ნაწილების შეჭრა ნამდვილი შოკი აღმოჩნდა რუსული სარდლობისა და ქვეყნის პოლიტიკური ხელმძღვანელობისათვის. მოსახლეობაში პანიკაა. უკრაინელთა შესაჩერებლად „კადიროველებიც" კი გადაისროლეს, მაგრამ ჯერჯერობით უშედეგოდ. ანალიტიკოსთა ნაწილი მიიჩნევს, რომ ამ საბრძოლო ოპერაციის საბოლოო მიზანი სამშვიდობო მოლაპარაკების დაწყება და ამ მოლაპარაკებისათვის უკრაინის მომგებიან პოზიციაში ყოფნის უზრუნველყოფაა. ამაზე კიევში გაკეთებული ოფიციალური განცხადებებიც მიანიშნებს.

კურსკში რუსებსა და უკრაინელებს შორის შეტაკებები გრძელდება - უკვე მეორე დღეა რუსეთის კურსკის ოლქში უკრაინელები შეიჭრნენ და რამდენიმე მნიშვნელოვანი სტრატეგიული და სამხედრო ობიექტები დაიკავეს. როგორც შიდა წყაროებიდან ხდება ცნობილი, რუსული თავდაცვის ზღუდეები გარღვეულია. თავდაცვის მეორე ხაზი გადალახულია. სუჯას გარშემო ჩრდილოეთიდან და დასავლეთიდან უკრაინელებს ყველა სიმაღლე უკვე დაკავებული აქვს. ასევე  უკრაინული არტილერია აქტიურად ბომბავს კურსკის ოლქს. დრონები ბომბავენ ბელგოროდსა და ვორონეჟის ოლქებსაც. 

ბრიტანეთში სამი პატარა გოგონას მკვლელობით გამოწვეული არეულობები არ წყდება. მიუხედავად მთავრობის ძალისხმევისა, თითქმის ყველა დასახლებულ პუნქტში შეტაკებები გრძელდება და ყველაზე შემაშფოთებელი ის არის, რომ კონფლიქტი აშკარად რასობრივ ხასიათს იღებს.  

ახლო აღმოსავლეთში დიდი ომი შესაძლოა უახლოეს საათებში დაიწყოს. სხვადასხვა წყაროების ცნობით, რომ „ჰამასის" ლიდერის ისმაილ ჰანიეს მკვლელობის საპასუხოდ ირანის ისრაელზე თავდასხმას 5 აგვისტოს გეგმავს. თუმცა, მეორე სცენარის მიხედვით, თეირანი ისრაელზე შეტევას ტიშა ბავის დღესასწაულს - 12-13 აგვისტოს დაამთხვევს, რომ ემოციური და ფსიქოლოგიური გავლენა მოახდინოს ისრაელის მცხოვრებლებზე.

უკრაინის სამხრეთში სიტუაცია კრიტიკულია. უკრაინული ნაწილები, რომელთაც საბრძოლო მასალისა და ცოცხალი ძალის დეფიციტი აქვთ, უკან დახევას აგრძელებენ. ქალაქ ჩასოვ იარში რუსებმა მოწინააღმდეგის დაცვის ხაზი გაარღვიეს და სტრატეგიული მნიშვნელობის მქონე არხი რამდენიმე ადგილას გადალახეს. ანალიტიკოსთა ნაწილი ჩასოვ იარიდან უკრაინული ნაწილების გასვლას პრგნოზირებს.

პოსტსაბჭოთა ისტორიაში ტყვეების ყველაზე დიდი გაცვლა რუსეთსა და დასავლეთს შორის 1 აგვისტოს შედგა - ჯამში 24 ადამიანი გაათავისუფლდა. აქედან 16 პირი მოსკოვმა გამოუშვა, დანარჩენი კი დასავლეთმა, მათ შორის მძიმე დანაშაულისთვის გასამართლებული რამდენიმე მოქალაქე, რომელთა გამოშვებასაც რთული გადაწყვეტილება უწოდეს. გათავისუფლებულ პატიმრებს რამდენიმე დღის განმავლობაში კლინიკაში მოათავსებენ.