უკრაინაში კვლავ ინტენსიური ბრძოლებია. რამდენიმე ოლქში, მათ შორის კიევში, რაკეტებითა და დრონებით შესაძლო თავდასხმის გამო, საჰაერო განგაში ჩაირთო. საჰაერო თავდაცვის ინფორმაციით, ყველა დრონი ჩამოგდებულია. ღამით, დაიბომბა ხმელენცკის ოლქი; რუსულმა ძალებმა იერიში მიიტანეს ხარკოვის რეგიონზე - დაღუპულია 2 ადამიანი, დაზიანდა კერძო სახლი და ავტომობილები.

უკრაინის ფრონტის ხაზზე ბრძოლები კვლავ აქტიურად მიმდინარეობს. განსაკუთრებული ყურადღება ისევ ავდიევკას და ყირიმის მიმართულებაზეა. ანალიტიკოსები „რეზონანსთან“ ამბობენ, რომ რუსები ცდილობენ იქ გააძლიერონ დაცვის ხაზი, სადაც უკრაინის შეიარაღებული ძალების კონცენტრაცია იზრდება. 

იმ ფონზე, როცა მსოფლიო ყურადღება ისრაელი-„ჰამასის" დაპირისპირებისაკენაა მიმართული, რუსეთის არმია უკრაინის მთავარი დაცვითი ხაზის გარღვევას ცდილობს. ამის პარალელურად კი პრეზიდენტმა ვოლოდიმირ ზელენსკიმ სამშაბათს საქართველოს ოკუპირებულ ტერიტორიაზე მოსალოდნელი შეტევის შესახებ გააკეთა განცხადება. საუბარია ოჩამჩირის საზღვაო პორტზე, სადაც რუსები თავისი შავი ზღვის ფლოტის ნაწილის განლაგებას გეგმავენ.

უკრაინელი სამხედროები ბახმუტის მიმართულებით წინ მიიწევენ. ყველაზე აქტიურად  რუსები კი უტევენ კუპიანსკს, ლიმანს, ავდეევკასა და მარინკას, თუმცა უშედეგოდ.  როგორც ცნობილია, უკრაინელები მათ სერიოზულ წინააღმდეგობას უწევენ. 

ახლო აღმოსავლეთში ორმხრივი საჰაერო დარტყმების ფონზე, ისრაელის სამხედრო ხელმძღვანელობა აცხადებს, რომ ომში, შესაძლოა, ლიბანიც აღმოჩნდეს ჩათრეული. მიზეზი შიიტური დაჯგუფება „ჰეზბოლაა", რომელიც სწორეს ლიბანის ტერიტორიიდან ბომბავს ისრაელს. ამის ფონზე, ომში ფაქტობრივად ჩართული აღმოჩნდა სირიაც - ისრაელის არმიამ შაბათს სარაკეტო დარტყმებით მწყობრიდან გამოიყვანა ალეპოსა და დამასკოს საერთაშორისო აეროპორტები. ღაზის სექტორში „ჰამასის" წინააღმდეგ ისრაელის არმიის სახმელეთო ოპერაციის დაწყება კი ისევ ჭიანურდება, რასაც, ანალიტიკოსთა შეფასებით, მხოლოდ პოლიტიკური მიზეზი აქვს.

ორი კვირაა, რაც ღაზას სექტორში ორასზე მეტი მძევალი „ჰამასის" ტყვეობაში იმყოფება, რომელთა შორის არიან ბავშვები, ახალგაზრდული ფესტივალის მონაწილეები, სამშვიდობო აქტივისტები, მოხუცები და ჯარისკაცები. როგორც „რეზონანსთან" კავკასიის საერთაშორისო უნივერსიტეტის პროფესორი ვახტანგ მაისაია აცხადებს, მათი გათავისუფლების რამდენიმე გზა არსებობს - ისრაელის ციხეებში მყოფი პალესტინელ პატიმრებში გაცვლა, სპეცოპერაცია და „ყველაზე უარესს შემთხევაში", სახმელეთო ოპერაცია.

უკრაინელმა სამხედროებმა ხერსონის სიახლოვეს დნეპრი გადაკვეთეს - მდინარის მარცხენა სანაპიროზე პლაცდარმი შექმნეს, რომელსაც რუსეთის ჯარი ვერაფერს უხერხებს და პოზიციები გაიმაგრეს ტაქტიკური უპირატესობით. თავად რუსი სამხედრო ბლოგერები აღიარებენ, რომ მოწინააღმდეგემ მდინარე დნეპრის ფორსირება მოახერხა და სოფელი პოიმა დაიკავა.

პალესტინაში საავადმყოფოს აფეთქებამ ისრაელის წინააღმდეგ ახლო აღმოსავლეთისა და ჩრდილოეთ აფრიკის რამდენიმე ქვეყანაში საპროტესტო აქციები გამოიწვია. არაბულ ქვეყნებში ამ ფაქტს საზოგადოების დიდი მღელვარება მოჰყვა. 

მეორე კვირაა, რაც „ჰამასი" ისრაელს ბომბავს, ისრაელი კი ღაზის სექტორზე ახრციელებს საჰაერო იერიშებს, სახმელეთო ოპერაციის დაწყებისგან კი ჯერჯერობით თავს იკავებს. ამის პარალელურად ისრაელში ერთმანეთის მიყოლებით დასავლელი ლიდერების ვიზიტები ხორციელდება როგორც ანალიტიკოსები ამბობენ, ვიზიტები მნიშვნელოვანია პოლიტიკური მხარდაჭერის თვალსაზრისით, თუმცა არ გამორიცხავენ, რომ ეს ყველაფერი სწორედ ღაზას სექტორში სახმელეთო ოპერაციას და შესაძლოა, მის საერთოდ გაუქმების რეკომენდაციას უკავშირდებოდეს.

უკრაინის გენერალური შტაბი აცხადებს, რომ რუსეთი ავდიივკას მიმართულებით, ტავრიას პასუხისმგებლობის ზონაში, მათი თავდაცვის გარღვევის მცდელობას არ წყვეტს, თუმცა, უშედეგოდ. უკრაინის ძალები აგრძელებენ თავდაცვას ქვეყნის აღმოსავლეთითა და სამხრეთით. შეტევითი მოქმედებებია მელიტოპოლისა და ბახმუტის მიმართულებით. უკრაინელები ანადგურებენ მტერს და ეტაპობრივად ათავისუფლებენ დროებით ოკუპირებულ ტერიტორიებს. 

ისრაელის თავდაცვის არმიას („ცახალი") ღაზას სექტორში სახმელეთო ოპერაცია ჯერ არ დაუწყია. ოფიციალურად და არაოფიციალურად ამ გაჭიანურების რამდენიმე მიზეზი სახელდება - ძლიერი წვიმა, აზრთა ხვადასხვაობა ისრაელის საგანგებო მთავრობაში და ის, რომ ისრაელი ელოდება მომავალი შეტაკებების ეპიცენტრიდან მშვიდობიანი მოსახლეობის მაქსიმალურად გასვლას. ანალიტიკოსთა ნაწილი კი ვარაუდობს, რომ „ჰამასს" მოვლენების ასეთი განვითარება წინასწარ ჰქონდა დაგეგმილი და ღაზას სექტორში „ცახალს" გარკვეული „ხაფანგები" მოუმზადა.

ჰამასმა რამდენიმესაათიანი პაუზის შემდეგ, ისრაელზე საჰაერო დატრყმები განაახლა. აშკელონსა და ღაზას საზღვრისპირა ტერიტორიებისკენ რაკეტრების ნაკადი წავიდა, რამდენიმემ მიზანმდე ჩააღწია. შედეგად დაზიანებულია საცხოვრებელი სახლები დაღუპულებისა და დაშავებულების შესახებ კონკრეტული ინფორმაცია ჯერ არ გავრცელებულა. საპასუხოდ ისრაელი არტილერიით ღაზას სექტორს ზღვიდან და ხმელეთიდან აქტიურად უტევს, თუმცა აგრერიგად მოსალოდნელი სახმელეთო ოპერაცია არ დაწყებულა.