პარტნიორ ქვეყნებს შორის ათეული წლების განმავლობაში ყალიბდება თანაბარი პარტნიორული ურთიერთობები. ჩვენ შეერთებული შტატებისგან ეს სამწუხაროდ ვერ დავინახეთ, - ამის შესახებ პარტია „ხალხის ძალის" ერთ-ერთმა წევრმა გურამ მაჭარაშვილმა განაცხადა.

„ვერც სავაჭრო ხელშეკრულება და შეთანხმება დაიდო, არა მხოლოდ მთლიანად, ნაწილობრივ სეგმენტზე მაინც, ვერც უვიზო მიმოსვლის საკითხი გადაწყვიტეს. იმ ფონზე, როდესაც ჩინეთი სახალხო რესპუბლიკასთან ბოლო წლების განმავლობაში სავაჭრო შეთანხმება გაფორმდა, სტრატეგიული ხელშეკრულება გაფორმდა, ინვესტიციები დაიძრა, ასევე უვიზო მიმოსვლა გადაწყდა", - აღნიშნა მაჭარაშვილმა.