თელავის საკრებულოში ხმაური და ფიზიკური დაპირისპირება იყო. დაპირისპირება მაშინ მოხდა, როცა სხდომაზე „ხალხის ძალის" წარმომადგენელმა ლევან კოჭლოშვილმა დარბაზში მყოფ დეპუტატებს ევროკავშირის კანდიდატის სტატუსი მიულოცა. სწორედ ამას მოყვა „ნაციონალური მოძრაობის" წევრების მხრიდან პროტესტი. საკრებულოს დეპუტატებს შორის ჯერ სიტყვიერი დაპირისპირება მოხდა, რომელიც ფიზიკურ დაპირისპირებაში გადაიზარდა. ერთმანეთს „ქართული ოცნების" დეპუტატები, „ხალხის ძალის" წარმომადგენელი და „ნაციონალური მოძრაობის" დეპუტატები დაუპირისპირდნენ.

საკრებულოს თავმჯდომარემ დაპირისპირებაში მონაწილე ოპოზიციონერ დეპუტატს, ბადურ რევაზიშვილს სხდომათა დარბაზი დაატოვებინა. ამის შემდეგ კი გაძევებულ კოლეგას მხარდაჭერა გამოუცხადეს სხვა დეპუტატმაც.

თელავის საკრებულომ 2024 წლის ბიუჯეტი დაამტკიცა, თუმცა ოპოზიციის მხარდაჭერის გარეშე.