უკრაინისთვის იარაღის მიწოდება მშვიდობის მიღწევას ხელს არ უწყობს, - ამის შესახებ უნგრეთის საგარეო საქმეთა მინისტრმა, პიტერ სიიარტომ ეუთოს მინისტერიალის გახსნით შეხვედრაზე განაცხადა.
„კიევისთვის იარაღის მიწოდება მშვიდობის მიღწევას ხელს არ უწყობს, არამედ მხოლოდ ახალ მსხვერპლს იწვევს. ის, ვინც ამბობს, რომ ბრძოლის ველზე გამოსავლის პოვნა შეიძლება, ცდება", - განაცხადა სიიარტომ.
სიიარტომ სიტყვით გამოსვლისას აღნიშნა, რომ მას უკრაინაში უნგრული უმცირესობების სიცოცხლის გადარჩენა სურს.
„ჩვენ არ გვინდა, რომ მეტი უნგრელი დაიღუპოს, მაგრამ ზოგადად, ჩვენ არ გვინდა, რომ მეტი ადამიანი დაიღუპოს", - აღნიშნა უნგრეთის საგარეო საქმეთა მინისტრმა.