საპარლამენტო უმრავლესობის წევრის, რატი იონათამიშვილის განცხადებით, ჩვენ არ უნდა გავაიგივოთ ნორვეგიის ოპოზიციური პარტიის ჯილდო ნორვეგიის მთავრობისა და ხალხის ჯილდოსთან.

„ნორვეგია არის ჩვენი პროაქტიური მხარდამჭერი, მაგრამ თავად ეს ფაქტი არის დიდი შეურაცხყოფა ჩვენი საზოგადოების და განსაკუთრებით იმ ათიათასობით ადამიანისა და ოჯახის, ვინც საკუთარ თავზე იგრძნო სააკაშვილის დანაშაულებრივი რეჟიმის სისასტიკე", - აცხადებს რატი იონათამიშვილი.

საქართველოს მესამე პრეზიდენტს, მსჯავრდებულ მიხეილ სააკაშვილს ადამიანის უფლებებისთვის და დემოკრატიისთვის ბრძოლის საქმეში პრიზი გადაეცა. დაჯილდოების ცერემონია ნორვეგიაში გაიმართა.