მიუხენში, მსოფლიოს სხვადასხვა ქვეყნების ლიდერები მსჯელობენ როგორ უნდა უპასუხოს თანამედროვე სამყარომ ახალ გამოწვევას. ლიდერები პუტინის აგრესიული პოლიტიკის მიზეზებს ეძებენ.

აშშ-ის სენატის საგარეო ურთიერთობათა კომიტეტის წევრის კრისტოფერ კუნსის განცხადებით, პუტინის აგრესია 2008 წელს დაიწყო.

„პუტინის აგრესია რეალურად 2008 წელს დაიწყო და შემდეგ 2014 წელს, მთელი რიგი ნაბიჯებით, რომელსაც არ მიუღია ძლიერი, ერთსულოვანი გლობალური პასუხი, როგორსაც იმსახურებდნენ. ასე მოვედით ამ სახიფათო მომენტამდე. ჩვენ უნდა გავაგრძელოთ გლობალური არქიტექტურის ხელახალი აშენება," - აცხადებს კრისტოფერ კუნსი.