რეზონანსი
28.11.2022

ჩვენ გავაკეთებთ ყველაფერს, რომ დავიცვათ ყველა მოკავშირე. ბუქარესტში ნატოს საგარეო საქმეთა მინისტრები განიხილავენ გზებს უკრაინის დახმარების გასაძლიერებლად, ისევე როგორც სხვა პარტნიორების, რომლებიც რუსულ ზეწოლას განიცდიან, როგორიცაა ბოსნია-ჰერცეგოვინა, საქართველო და მოლდოვა, - ამის შესახებ ნატო-ს გენერალურმა მდივანმა, იენს სტოლტენბერგმა რუმინეთის პრეზიდენტ კლაუს იოჰანისთან ერთობლივ პრესკონფერენციაზე განაცხადა.

სტოლტენბერგის თქმით, რუმინეთში გამართულ შეხვედრაზე განხილვის ერთ-ერთ თემა უკრაინაში რუსეთის უკანონო ომის შედეგად არსებული გამოწვევები იყო.

„დღევანდელ შეხვედრაზე ჩვენ შავი ზღვის რეგიონის უსაფრთხოება განვიხილეთ, რაც სტრატეგიული მნიშვნელობისაა მთლიანად ნატო-სთვის. ასევე, განვიხილეთ უკრაინაში რუსეთის უკანონო ომის შედეგად არსებული გამოწვევები. რუსეთის აგრესიაზე საპასუხოდ ნატო აძლიერებს ყოფნას ბალტიიდან შავ ზღვამდე. ჩვენ განვათავსეთ ახალი საბრძოლო ჯგუფები, მათ შორის ისინი, რომელთაც საფრანგეთი ხელმძღვანელობს აქ, რუმინეთში. კანადური ავიაგამანადგურებლები ასევე გვეხმარებიან თქვენი ცის უსაფრთხოების უზრუნველყოფაში და აშშ-ის პეტრიოტის რაკეტები აძლიერებენ თქვენს თავდაცვას. ეს მკაფიო გზავნილია, რომ ნატო აქ არის. ჩვენ გავაკეთებთ ყველაფერს, რომ დავიცვათ ყველა მოკავშირე. ბუქარესტში ნატო საგარეო საქმეთა მინისტრები განიხილავენ გზებს უკრაინის დახმარების გასაძლიერებლად, ისევე როგორც სხვა პარტნიორების, რომლებიც რუსულ ზეწოლას განიცდიან, როგორიცაა ბოსნია-ჰერცეგოვინა, საქართველო და მოლდოვა", - განაცხადა სტოლტენბერგმა.

29 ნოემბერს ბუქარესტში ნატო-ს მინისტერიალი გაიმართება, რომელშიც საქართველოს საგარეო საქმეთა მინისტრი ილია დარჩიაშვილი მიიღებს მონაწილეობას.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2023 by Resonance ltd. . All rights reserved
×