ვფიქრობ, „ხალხის ძალა" შესაძლოა გახდეს პოლიტიკური ცუნამის საფუძველი და ქვეყანაში მძლავრი მოძრაობა დაიწყოს, რაც გაამყარებს საზოგადოებას, - ამის შესახებ დიმიტრი ხუნდაძემ „იმედის კვირასთან" საუბრისას განაცხადა. „ხალხის ძალის" ერთ-ერთი ლიდერის აზრით, საზოგადოებას სწორი ინფორმირება სჭირდება ქვეყნის წინაშე არსებული რისკების დასაზღვევად.

„დღეს ამ რისკებს, რომელთა წინაშეც ქვეყანა რეალურად დადგა, რეგიონში მიმდინარე ღია საბრძოლი მოქმედებებიდან გამომდინარე, მხოლოდ საზოგადოება დააზღვევდა. მაგრამ საზოგადოებას სჭირდებოდა სწორი ინფორმაცია. ამიტომ ჩვენთვის მიუღებელი იყო, რომ კულისებში გადაწყვეტილიყო ქვეყნისა და საზოგადოების ბედი მათ გარეშე", - განაცხადა ხუნდაძემ.