რეზონანსი
28.09.2022

ფინანსთა მინისტრის მოადგილის, გიორგი კაკაურიძის თქმით, მთავრობას ახალი სამაშველო ვერტმფრენების შეძენა 27 მილიონი ევრო დაუჯდება.

მისი თქმით, ბიუჯეტი ვერტმფრენის შესაძენად ავანსს წელსვე გასცემს, ხოლო ხომალდების მიღებისას დარჩენილ საფასურსაც დაფარავს.

2022 წლის ბიუჯეტის კორექტირების პროექტის მიხედვით, უშუალოდ წელს ამ მიმართულებით 50 მილიონი ლარი დაიხარჯება.

"ვერტმფრენზე ავანსის გაცემა მოგვიწევს წელს და შემდგომ უკვე მოწოდების მიხედვით იქნება გადახდები. რაც შეეხება თანხას, სამი ვერტმფრენის ღირებულება არის დაახლოებით 27 მილიონი ევრო და ამ თანხის გარკვეული ნაწილის გადახდა ხდება წელს. ის რაც ეხება ძველ ნაყიდ ხომალდს, ის განსხვავებით ამ კონტრაქტისგან საიდუმლო კონტრაქტით იყო და მე არ ვიცი რამდენად მაქვს უფლება რომ იმ კონტრაქტის ღირებულება ვთქვა, სესხი იქნა აღებული ამ ვერტმფრენის ყიდვისთვის, ზუსტი თანხა არ მახსოვს, მაგრამ საკმაოდ დიდი თანხა იყო. იქ ორი ვერტმფენი იყო და არცერთი იყო სამაშველო დანიშნულების,"-განაცხადა ფინანსთა მინისტრის მოადგილემ.

შეგახსენებთ, რამდენიმე კვირის წინ, პრემიერ-მინისტრმა ირაკლი ღარიბაშვილმა განაცხადა, რომ მთავრობა "სუპერ პუმას" ვერტმფრენს გაყიდის და ახალ სამაშველო ვერტმფრენს იყიდის. უცნობია რატომ იქნა ვერტმფრენის გაყიდვის გადაწყვეტილება მიღებული ახლა, მაშინ როდესაც წინა წლებშიც საქართველოს მთავრობა აცხადებდა, რომ "სუპერ პუმას" ვერტმფრენის სპეციფიკაცია არ შეესაბამებოდა სამაშველო მოთხოვნებს. ასევე უცნობია რა თანხად შეიძლება მოხდეს ამ ვერტფრენის გაყიდვა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×