რეზონანსი
14.05.2022

გუშინ საღამოს მთელი ხაშური ლოცულობდა, რომ ავარიაში დაშავებული 13 წლის ბიჭი გადარჩენილიყო, მაგრამ, სამწუხაროდ, ტრაგედია მაინც დატრიალდა.

ნიკოლოზ ბანცაძეს გუშინ საღამოს, ერთ-ერთ სკოლასთან მანქანა დაეჯახა. ბავშვის თბილისის კლინიკაში გადაყვანა იგეგმებოდა, მაგრამ მდგომარეობის სიმძიმიდან გამომდინარე, ეს ვერ მოხერხდა.

„რეანიმობილი მზად იყო მის თბილისში გადასაყვანად, მაგრამ მდგომარეობის სიმძიმის გათვალისწინებით, რისკი იყო ფატალური შედეგის, თუმცა ეს მაინც ვერ იქნა აცილებული, მიღებული დაზიანებები სიცოცხლესთან შეუსაბამო აღმოჩნდა, - უცხადებენ რადიო „მოზაიკას" კლინიკაში.

„საშინელებაა. რა ნუგეში უნდა უთხრა დედას და მამას, რა. გასკდა გული, საშინელი დღე გაგვითენდა".

„უფალმა დაგიმკვიდროს ცათა სასუფეველი, ჩვენო ლამაზო ბიჭო".

„როგორ ვლოცულობდით ხალხი და მაინც წავიდა".

„იქ ვიყავი, შევესწარი განწირულ ოჯახს. ეს დიდი ტრაგედიაა და უფალმა გამძლეობა მისცეს ოჯახს".

„სადაც შემხვდებოდა, ყველგან სულ იცინოდა ან იღიმებოდა".

„საამაყო შვილი, რამდენჯერ მიფიქრია, ასეთი კარგი შვილი მყავდეს-მეთქი, როგორ უნდა განუგეშოთ".

„დედას, მამას შვილი არ უნდა უკვდებოდეს, ცხოვრება არ ვიცით, რას გვიმზადებს. შვილს უშვებ ცოცხალს, ჯანმრთელს, ბედნიერს და სხვანაირად გიბრუნებენ", - წერენ სოციალურ ქსელში.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×