რეზონანსი
16.01.2021

გიორგი შაქარაშვილის გარდაცვალების საქმეზე მცხეთის რაიონულ სასამართლოში ლევან სამხარაულის სახელობის ექსპერტიზის ეროვნული ბიუროს ექსპერტები დაიკითხნენ, რომლებიც კომისიურად სწავლობდნენ გიორგი შაქარაშვილის სხეულზე არსებული დაზიანებების წარმოშობას.

სასამართლო სხდომაზე ექსპერტებმა არ გამორიცხეს გიორგი შაქარაშვილის სხეულზე არსებული სიცოცხლის დროინდელი დაზიანებების წარმოშობა და განვითარება ყოფილიყო 15 მეტრზე უფრო დაბალი სიმაღლიდან ვარდნის შედეგად.

ამასთან, დაზიანებების წარმოშობა შესაძლებელი იყო ნებისმიერ საგანზე ან ნივთზე შეჯახების შედეგადაც, მათ შორის ე.წ. შემთხვევის ადგილზე განთავსებულ სხვადასხვა საგნებზე შეჯახებისას;

ექსპერტებმა არ გამორიცხეს, რომ დაზიანებები მდინარე არაგვში არსებულ სხვადასხვა საგნებზე შეჯახების შედეგადაც შესაძლოა განვითარებულიყო. ამის შესახებ Report.ge-ს ერთ-ერთი ბრალდებულის ადვოკატი შოთა კახიძე უყვება.

“ექსპერტებმა შეისწავლეს მხოლოდ გამომძიებლის მიერ მითითებული ადგილი და სხვა მიმდებარე ტერიტორია არ შეუსწავლიათ. შესაბამისად არ გამორიცხეს ამ დაზიანებების განვითარება სხვა ადგილას.

ამდენად, პროკურატურისა და სხვა დაინტერესებული პირების მცდელობა ექსპერტიზის დასკვნები წარმოეჩინათ იმის დასადასტურებლად, რომ გიორგი შაქარაშვილის გარდაცვალებამდე მასზე განხორციელდა ძალადობა, სასამართლო სხდომაზე არ დადასტურდა”, – განუცხადა Report.ge-ს შოთა კახიძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
მედეა   (17.01.2021)
ამათი უტიფრობა გაგაგიჟებს.მოკლეს და მკვდარი რომ არის უარყოფენ?

ანი   (16.01.2021)
არა,რა ძალადობა სახლში ტელევიზორს უყურებს ბიჭი.


Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )