ია აბულაშვილი
15.12.2020

თელავთან ახლოს, თურდოს ხეობაში, ისტორიულად გამქრალ სოფელ არტოზაში, რომელსაც დღეს რუისიპირი ჰქვია, მე-12 საუკუნეში აუგიათ წმინდა შიოს სახელობის ეკლესია. ამ ეკლესიის შესახებ წერდა გაზეთი „ივერია“ 1888 წელის ერთ-ერთ ნომერში. წმინდა შიოს მონასტრიდან დღეს შერჩენილია მხოლოდ მთავარი ნაგებობის ნანგრევები. 

ეკლესია დარბაზული სიტილის იყო, ნაგები ქვის ლოდებით. ქართული ხუროთმოძღვრების ეს უძველეს ძეგლი 1247-1259 წლებში მოუხატავთ და თითოეული ფრესკა მაღალი მხატვრული ოსტატობით ყოფილა შესრულებული. 

დასავლეთ კედელზე გამოსახული იყო ჯვარცმა.  კედლის მეორე რეესტრში 12 მოციქულია მედალიონში გამოსახული. ერთ-ერთ მათგანს ხელში ასომთავრულწარწერიანი გაშლილი გრაგნილი უჭირავს. დღეს ამ ფრესკის მხოლოდ ფრაგმენტია შემორჩენილი - მოციქულთა ტერფები.  

წმინდა შიოს ეკლესიის მშვენება იყო ისტორიული პირების პორტრეტები, რომელიც პოსტბიზანტიური ეპოქის უნიკალური ნიმუშია. ეკლესიის დასავლეთ კედელზე გამოსახული  იყო ორი ისტორიული ფიგურა - მეფეების დავით ულუს და დავით ნარინის პორტრეტები.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×