ჩემი დოკუმენტის საფუძველზე დავიწყეთ იმ პრობლემების იდენტიფიცირება რომელიც მიმაჩნია, რომ სასამართლო სისტემაში არსებობს, - განაცხადა პარტია „მოქალაქეების" ერთ-ერთმა ლდიერმა, ლევან იოსელიანმა ჟურნალისტებთან.
„ეს დაწყებულია იუსტიციის საბჭოთი, შემდეგ, იუსტიციის უმაღლესი სკოლა, მოსამართლეთა დანიშვნის წესი, მოსამართლეთა დროებითი , 3 წლის ვადით განწესების წესი, მოსამართლეთა დისციპლინარული პასუხისმგებლობის საკითხი. ბევრი ასეთი საკითხია, რომელიც დღეს უბრალოდ მოვნიშნეთ, შემდგომში ამ საკითხების დეტალური განხილვა გვექნება", - აღნიშნავს იოსელიანი.
სასამართლო რეფორმაზე მომუშავე ჯგუფმა დღეს პარტია „მოქალაქეების" მიერ წარმოდგენილ დოკუმენტზე იმსჯელა. დოკუმენტში საუბარია სასამართლოს წინაშე არსებულ კონკრეტულ გამოწვევებზე.