სუპერმარკეტების ბაზაზრე ოლიგოპოლია ყვავის. სამომხმარებლო ბაზრის 52%-ს სამი სუბიექტი აკონტროლებს. კვლევებით დასტურდება, რომ სუპერმარკეტების ბაზრის ნახევარზე მეტი „ნიკორას“, „ორ ნაბიჯსა“ და „კარფურს“ უჭირავს, რაც ისეთი პატარა ბაზრისთვის, როგორიც საქართველოა, დიდი საფრთხის მატარებელია. აშკარაა, რომ ადგილი აქვს ოლიგოპოლიას, რომლის საქმიანობა უამრავი პატარა კომპანიის  განვითარებას რისკს უქმნის. ამით არის განპირობებული, რომ ადგილობრივი მეწრამეებისთვის ქსელური მარკეტების დახლებზე წვდომა შეზღუდულია. მეწარმეები უკვე ვერანაირ ფასად ვერ ახერხებენ სუპერმარკეტებში პროდუქციის განთავსებას. ბაზარზე დიდი განუკითხაოიბა და ქაოსია.

საერთაშორისო ბაზრებზე ბოლო დროის ტენდენცია გრძელდება და ნავთობის ისევ იაფდება. ორთვიან მონაკვეთში ღირებულება დაახლოებით 22%-ით არის შემცირებული. ეს მაშინ, როდესაც ოქტომბრის დასაწყისში ნავთობი თითქმის 100 დოლარი ღირდა. საინტერესოა, რა არის გაიაფების მიზეზი და როგორი ვითარება იქნება მომავალში.

საქართველოში ვაკანსიები საკმაოდ დიდი რაოდენობითაა, თუმცა გამოხმაურების მაჩვენებელი სახარბიელო ნამდვილად არ არის. განსაკუთრებით მომსახურების სფერო ითხოვს კადრებს, კონსულტანტისა და გაყიდვების მენეჯერის პოზიციაზე, მაგრამ მისდამი ინტერესი დაბალია. „რეზონანსი“ დაინტერესდა, რატომ არის ამ მიმართულებით მუდმივად კადრების დეფიციტი?

ფარმაცევტულ ბაზარზე მიღებულმა გადაწყვეტილებებმა მედიკამენტები გააიაფა, თუმცა ერთგვარი დეფიციტი წარმოქმნა. ამაზე უფრო მეტად გავლენა რეფერენტული ფასების დაწესებამ იმოქმედა, ვიდრე თურქეთის ბაზრის გახსნამ, რადგან იმპორტიორ კომპანიებს გარკვეული კატეგორიის წამლების შესყიდვა და საქართველოში შემოტანა აღარ უღირთ, ფასის ზედა ზღვრის დაწესების გამო.

საქართველოში ინფლაცია დაბალ ნიშნულზე ნარჩუნდება და უკვე ნულთან ახლოსაა. ეს კი იმას ნიშნავს, რომ რეფინანსირების განაკვეთის შემცირება უფრო რეალურია, რასაც მიუთითებენ, როგორც ეროვნულ ბანკში, ისე ეკონომიკის სამინისტროში და მათ პოზიციას ფინანსისტებიც იზიარებენ.

თბილისის აეროპორტის რესურსის ამოწურვა და ახლით ჩანაცვლების აუცილებლობა მთავრობის წარმომადგენლებისა და დარგის სპეციალისტებისთვის ის საკითხია, რაზეც ორი აზრი, ფაქტობრივად, არ არსებობს. ქვეყნისთვის ამ უმნიშვნელოვანესი სტრატეგიული ობიექტის პერსპექტივას მხარეები განსხვავებულად ხედავენ. სახელისიუფლო სტრუქტურებში კვლევითი სამუშაოები დაწყებულია და მალე გაეცემა პასუხი კითხვას, თუ როგორ უნდა გაგრძელდეს ბიზნესისა და მათი კოორდინაცია, ახალი აეროპორტის მშენებლობის პარალელურად.

კომერციული გაზი ისე გაძვირდა, რომ  რეალურად ამის საფუძველი არ არსებობდა. გლობალურ ბაზრებზე ბუნებრივი აირის ღირებულება არ გაზრდილა, შიდა ბაზარზე კი ინფლაცია თითქმის განულდა და ლარიც ან სტაბილურია ან მყარდება. იმის გამო, რომ სექტორი დერეგულირებულია, კომპანიებს აბსოლუტური თავისუფლება აქვთ და გადასახადს ზრდიან, რაც, თავის მხრივ, ადგილობრივ პროდუქციაზე ფასების მატებას გამოიწვევს და გაძვირდება ყველა მიმართულება, სადაც გაზის კომპონენტი მნიშვნელოვანია.

ლარის კურსი  წლის ბოლომდე სტაბილური იქნება, ახალი წლიდან კი ნელი ტემპით გამყარდება. ასეთია ეკონომისტთა ნაწილის პროგნოზი, რაც ერთი მხრივ არჩევნების მოახლოებას და ეროვნული ბანკის ბოლო გადაწყვეტილებას უკავშირდება. ამასთან ერთად, ქვეყანაში არანაირი ნიშანი არ იკვეთება იმისა, რომ გაცვლით კურსს რაიმე საფრთხე დაემუქროს და სიტუაცია საპირისპიროდ შეტრიალდეს.

წინასაახალწლო პერიოდი ვაჭრობის კუთხით აქტიურია. სხვადასვა კომპანიები ავრცელებენ რეკლამებს, რომელიც მათ მიერ გამოცხადებულ აქციებს შეეხება და ცდილობენ მეტი მყიდველი მიიზიდონ. ამ დროს ადგილობრივ ბაზარზე, გამოცხადებული აქციები რეალობას საერთოდ არ შეესაბამება და მომხმარებელი შეცდომაში შეჰყავთ ხელოვნურად გაზრდილი ფასებით. კომპანიები მყიდველებს, წინასწარ გაზრდილი ღირებულების შემცირებულ კომბინაციას სთავაზობენ. არის თუ არა ეს მომხმარებელთა უფლებების დარღვევა და უხეშად რომ ვთქვათ, მოტყუება?

მოსწავლეების უდიდესი ნაწილი რეპეტიტორთან ემზადება. ეს კი იმას ნიშნავს, რომ სკოლებში შესაბამისი ცოდნის მიღება ვერაფრით ხერხდება და აბიტურიენტებს, მასწავლებლებთან გადამზადება უწევთ სხვადასხვა საგანში. ეს ყოველივე საკმაოდ ხარჯებთან არის დაკავშირებული. ასაკობრივი საფეხურების მიხედვით გადასახადი სხვადასხვაგვარია, თუმცა რამდენიც არ უნდა იყოს, საერთო ჯამში, თანხა საკმაოდ მოცულობითია.

საქართველოს ეკონომიკის ზრდის ტემპი მცირდება, თუმცა ქვეყანა კიდერობს რეგიონალური მიმართულებით და ამ პარამეტრით მეზობლები აშკარად ჩამოტოვა. ფაქტობრივად, ეკონომიკა  რეალურ სიტუაციას უბრუნდება. მიგრანტების ეფექტი ამოწურულია და უკვე აღარ მუშაობს. შესაბამისად, ჩვენი ქვეყნის  ეკონომიკა ვითარდება  ისე, როგორც უნდა ვითარდებოდეს,  რასაც მოწმობს შემცირებული ეკონომიკური ზრდა. მეორე მხრივ კი, საყურადღებოა ის, რომ საქართველო რეგიონის ლიდერად გადაიქცა.

ყირგიზეთი ტრანსკასპიურ დერეფანში ჩაერთო, რაც გადაზიდვების მაჩვენებლებზე დადებით გავლენას მოახდენს. ბოლო პერიოდში საქართველოსა და შუა აზიურ ქვეყანას შორის სავაჭრო კავშირები ისედაც საკმაოდ გააქტიურებულია და ამას მოწმობს ავტომობილების რეექსპორტში გაზრდილი მაჩვენებელი, რითაც ყირგიზეთი უკვე ყაზეხეთსაც კი უსწრებს. ამ ეტაპზე ზოგადად შუა აზიურ სახელმწიფოებთან თანამშრომლობას შესაძლოა, გარკვეული გამოწვევა დაუდგეს პოლიტიკურ ასპექტში, ვინაიდან შემდეგი ორი წელი საქართველოში არჩევნებია. მიუხედავად იმისა, რომ არჩევნები საქართველოსთვის ყოველთვის შიდაპოლიტიკური დაძაბულობით ხასიათდება, სპეციალისტები ამ ფაქტორს მაინც გამორიცხავენ და აცხადებენ, რომ შუა დერეფანში საქართველოს როლის გააქტიურებას წინ ვერაფერი აღუდგება.