უზენაესი სასამართლოს მოსამართლე შალვა თადუმაძე საქართველოს საგარეო უწყებით უკმაყოფილოა. როგორც მან 11 მარტს მოსამართლეთა პლენუმზე განაცხადა, ეფექტური მუშაობის შემთხვევაში, აშშ ოთხ ქართველ მოსამართლეს სანქციებს არ დაუწესებდა. რადგან „იქ, სადაც ხელისუფლება მუშაობს, შედეგებს დებს". ანალიტიკოსი ვახტანგ ძაბირაძე „რეზონანსთან" ამბობს, რომ ეს არ ნიშნავს საგარეო საქმეთა სამინისტროსთან დაპირისპირებას, თუმცა, შესაძლოა ამით საგარეო საქმეთა მინისტრის შეცვლისთვის საფუძველი მზადდება.