მარნეულის მუნიციპალიტეტის ერთ-ერთ სოფელში, სახლის ავტოფარეხში, შუაღამისას ხანძარი გაჩნდა.

6 სექტემბერს, ღამით, გაჩენილი ცეცხლის შედეგად,  ავტოფარეხში გაჩერებული ორი ავტომობილი, „მინივენისა“ და „ჯიპის“  მარკის ავტომანქანები დაიწვა.  

ადგილზე მობილიზებული იყო   სახანძრო-სამაშველო ჯგუფი.  მიუხედავად იმისა, რომ ხანძარი მალევე კონტროლს დაექვემდებარა, ორივე ავტომობილი დაიწვა და სრულად გამოუსადეგარი გახდა.

ხანძრის ზუსტი მიზეზი ჯერჯერობით უცნობია. თუმცა ვერსიების თანახმად, ინციდენტი ელექტროგადამცემი ხაზების გაუმართაობამ გამოიწვია.

ადგილობრივი მოსახლეობის თქმით, სახლის მეპატრონეები დიდი ხანია სოფელში არ ცხოვრობენ და ამჟამად რუსეთში არიან გადასახლებულები.

წყარო: Aktual.ge