რეზონანსი
17.08.2019

  ზუგდიდში, დღეს დილით ავარიისას დაშავებული ქალი ქუთაისის რეფერალურ ჰოსპიტალში გადაიყვანეს. ზუგდიდის რეფერალური ჰოსპიტლის კლინიკური დირექტორის სულხან ორჟონიას თქმით, პაციენტს მრავლობითი მოტეხილობები აღენიშნება:

„თავისა და სახის ძვლების მრავლობითი მოტეხილობით პაციენტი გადაყვანილია სპეციალიზებულ კლინიკაში, ქუთაისის რეფერალურ საავადმყოფოში"- განაცხადა ორჟონიამ.

ჯერჯერობით დაშავებული ქალის ვინაობის დადგენა ისევ ვერ ხერხდება.

შემთხვევა დღეს დილით მოხდა. ქვეითად მოსიარულე ქალს აუდის მარკის ავტომანქანა იმ დროს დაეჯახა, როცა ის ქუჩას კვეთდა.

შსს-ს ინფორმაციით, გამოძიება საქართველოს სისხლის სამართლის კოდექსის 276-ე მუხლის მეორე ნაწილით დაიწყო, რაც ტრან­სპორ­ტის მოძ­რა­ო­ბის უსაფრ­თხო­ე­ბის ან ექ­სპლუ­ა­ტა­ცი­ის წე­სის დარ­ღვე­ვას გუ­ლის­ხმობს.

წყარო: პრაიმტაიმი

 

 

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×