კორუფციასთან ბრძოლა არის ერთ-ერთი უმთავრესი პრიორიტეტი, ამოცანა, ეს არის ჩვენი ამბიციური მიზანი, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

პრემიერის თქმით, საქართველოს აქვს ამბიცია, იყოს კორუფციის სიმცირის თვალსაზრისით მოწინავე ქვეყანა.

„ჩემი საპარლამენტო გამოსვლის დროს მქონდა საუბარი, რომ დღევანდელი მონაცემები არის კარგი, მაგრამ არ უნდა ვიყოთ თვითკმაყოფილი. ჩვენი ამოცანაა, რომ ევროპის ქვეყნების სამეულში დაიკავოს ჩვენმა ქვეყანამ ადგილი კორუფციის სიმცირის თვალსაზრისით. ამ ამოცანის შესრულებაში ბიუროს ენიჭება განსაკუთრებული როლი“, – განაცხადა კობახიძემ.