აშშ-ის პრეზიდენტი, ჯო ბაიდენი სოციალურ მედიაში გააკრიტიკეს მას შემდეგ, რაც აღდგომის კვირა, ყველაზე საზეიმო ქრისტიანული დღესასწაული, ტრანსგენდერთა ხილვადობის დღედ გამოაცხადა. ინფორმაციას ამის შესახებ ამერიკული ტელეკომპანია "ფოქს ნიუსი" ავრცელებს.
გამოცემა აღნიშნავს, რომ გამოჩენილმა ამერიკელმა ქრისტიანებმა, პოლიტიკოსებმა და კომენტატორებმა თეთრი სახლის განცხადების შემდეგ სოციალური მედიის პლატფორმები კრიტიკული კომენტარებით გაავსეს.
თეთრმა სახლმა პარასკევს აშშ-ის პრეზიდენტის პროკლამაცია გაავრცელა, რომელშიც 31 მარტი ტრანსგენდერთა ხილვადობის დღედ გამოცხადდა. ჯო ბაიდენი პროკლამაციაში აცხადებს, რომ მისი ადმინისტრაცია მხარს უჭერს ტრანსგენდერებს და აღნიშნავს, რომ „ტრანსგენდერი ამერიკელები ჩვენი ერის სტრუქტურის ნაწილია“.
„რესპუბლიკელმა“ კონგრესმენმა, ალექს მუნმა განაცხადა, რომ ჯო ბაიდენის გადაწყვეტილება მოქმედი ადმინისტრაციის მხრიდან პირდაპირი თავდასხმაა ქრისტიანობაზე და კიდევ ერთი თავდასხმა რელიგიასა და ტრადიციებზე.
როგორც კონგრესმენმა დიანა ჰარშბარგერმა აღნიშნა, „აშკარაა, რომ მემარცხენეებს გადაწყვეტილი აქვთ ძირი გამოუთხარონ ჩვენს რელიგიასა და ტრადიციებს“.
კონსერვატიული შეხედულებების მქონე კომენტატორმა, ბენი ჯონსონმა კი განაცხადა, რომ ჯო ბაიდენმა სილა გააწნა ყველა ქრისტიანს ამერიკაში.