რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილე ირაკლი ზარქუა გამოეხმაურა „სტრატეგია აღმაშენებლის" წევრის, პაატა მანჯგალაძის განცხადებას, რომლის თქმითაც, მათი და „ნაციონალური მოძრაობის" კოალიცია საპარლამენტო არჩევნებზე 40%-ს აიღებს.

„ისე გამრავლდნენ, ზოგს ნომერი აქვს, პარტიის სახელი არ აქვს - მაგალითად, მელიას ჩართვა ჰქონდა Tiktok-ზე და 4 ნომერი აუღია, ნეტავ, მაჭუტაძემ თუ იცის, მისი ნომერი იყო ეს. გვარამიას სახელი აქვს და ნომერი არ აქვს - საგიჟეთი აქვთ", - აღნიშნა ირაკლი ზარქუამ.

პაატა მანჯგალაძე დარწმუნებულია, რომ „ნაციონალური მოძრაობა" „სტრატეგია აღმაშენებელთან" ერთად, საპარლამენტო არჩევნებზე 40%-ს აიღებს. მისივე თქმით, თუ ნიკა მელია და ნიკა გვარამია გაერთიანდებიან და არჩევნებზე 10 პროცენტს აიღებენ, ეს ხელისუფლებაში მოსვლას ნიშნავს.