ისრაელის პრემიერმინისტრი ბენიამინ ნეთანიაჰუ აცხადებს, რომ მძევლების გათავისუფლებისთვის მოლაპარაკების კიდევ ერთ ჩარჩოზე მუშაობენ.

"ჩვენ ვმუშაობთ ჩვენი მძევლების გათავისუფლებისთვის მოლაპარაკების კიდევ ერთ ჩარჩოზე, ასევე რაფაჰში "ჰამასის" ტერორისტების ლიკვიდაციის პროცესის დასრულებაზე. სწორედ ამიტომ გავგზავნე დელეგაცია პარიზში და დღეს საღამოს განვიხილავთ მოლაპარაკებების შემდგომ ნაბიჯებს. კვირის დასაწყისში მოვიწვევ ომის კაბინეტს, რათა დამტკიცდეს რაფაში სამოქმედო ოპერატიული გეგმები. მათ შორის, იქიდან მშვიდობიანი მოსახლეობის ევაკუაციის საკითხი," - ამბობს ნეთანიაჰუ.

ამას გარდა, DW წერს, რომ მძევლების გათავისუფლებისა და ცეცხლის შეწყვეტის შესახებ მოლაპარაკებების მიზნით, ისრაელი კატარში დელეგაციას გზავნის