ჟურნალისტის კითხვაზე, როგორ შეაფასებდა გუშინ, კეკელიძის ქუჩაზე განვითარებულ მოვლენებს, ზურა ჯაფარიძემ პირდაპირ განაცხადა, რომ მევახშეობა პრობლემა არ არის.
„არ მგონია, რომ მევახშეობაში რაიმე პრობლემა იყოს. ვალს გადახდა სჭირდება ნებისმიერ შემთხვევაში. თუ არ იარსებებს მექანიზმი, როგორ შეიძლება ადამიანი აიძულო, რომ ვალი გადაიხადოს, მაშინ არავინ ვალს არ გადაიხდის. მთელი საბანკო სისტემა ამაზე დგას და შემდეგ მთელი ეკონომიკა,“ - აღნიშნა ჯაფარიძემ.
ცნობისთვის, კეკელიძის N1-ში, აღსრულების ბიუროს წარმომადგენლებმა მარინა ხატიაშვილის ოჯახი გამოასახლა, რასაც სამართალდამცავებსა და საზოგადოებას შორის დაპირისპირება მოჰყვა.