"რუსთავი 2"-ის რეალითი შოუ "პრაიმ ჰაუსის" წამყვანი, გიორგი ნაზღაიძე მის მიმართ გუშინ განხორციელებულ თავდასხმას იხსენებს. როგორც თავად ამბობს, ცივი იარაღით, ახალგაზრდების ჯგუფი დაუპირისპირდა. შემთხვევა ორბელიანის ქუჩის მიმდებარედ მოხდა.

"მიწისქვეშა პარკირებაზე ვიყავით მე და ჩემი მეგობრები, კუთვნილ ავტომობილში უნდა ჩავმსხდარიყავით, სადაც აგრესიულად ახალგაზრდების დაჯგუფებამ ჩამოიარა, რაღაც აგრესიულად დამიძახეს, რაზეც პასუხი არ გავეცი, თუმცა ჩემმა მეგობარმა თავი ვერ შეიკავა და პასუხი გასცა და ამის შემდგომ დაიწყო. დანები არა ერთხელ მოგვიქნიეს, დისტანცია ძალიან ახლო იყო," - ამბობს გიორგი ნაზღაიძე. 

გიორგი ნაზღაიძის თქმით, თავდამსხმელებმა დააზიანეს იმ მოქალაქის ავტომობილიც, რომელმაც მისი დახმარება სცადა. შსს-მ ფაქტზე გამოძიება მუქარის მუხლით დაიწყო. თავად ტელეწამყვანი კი გვიან ღამით პოლიციის განყოფილებაში გამოიკითხა.

რუსთავი 2