„მესამე ძალას" ყოველთვის აგებდნენ „ნაცებზე", „ნაცებით" არ შეიძლება მესამე ძალა ჩამოაყალიბო. ეს არის მეოთხე შეცდომა,- ამის შესახებ „ქართული ოცნების" თავმჯდომარემ ირაკლი კობახიძემ ჟურნალისტებთან ე.წ. მესამე ძალაზე საუბრისას განაცხადა.

როგორც მან აღნიშნა, ე.წ. მესამე ძალაში ეკლექტური გაერთიანება მოიაზრება.

„აქ მოიაზრება რამდენიმე ადამიანი, ესენი არიან ხაზარაძე, გახარია, ზურაბიშვილი, ლომჯარია, მელია, გვარამია, ასეთი სიმბიოზია, ეკლექტური გაერთიანება მოაზრებული. აქედან ჩანს, რომ ის ადამიანები, ვინც ქვეყნის გარეთ ასეთ რაღაცებს გეგმავენ, დიდად ვერ გრძნობენ ქვეყანაში სიტუაციას. არ შეიძლება ასეთი ადამიანების ერთობით რაიმე წარმატებას მიაღწიო, არაერთხელ დაუშვიათ მათ შეცდომები, როდესაც ჯერ აქცენტს აკეთებდნენ ბოკერიაზე, შემდეგ ხაზარაძეზე, გახარიაზე, ყოველ ჯერზე ჩაუვარდათ ე.წ. მესამე ძალის მცდელობა. რატომ?- იმიტომ, რომ „მესამე ძალას" ყოველთვის აგებდნენ „ნაცებზე", „ნაცებით" არ შეიძლება მესამე ძალა ჩამოაყალიბო. ეს არის მეოთხე შეცდომა, რომელსაც მეოთხე ჯერზე უშვებენ",- აღნიშნა კობახიძემ.