იმ შემთხვევაში, თუ ლაზარე აღიარებს, რომ ქმედება მის მიერ არის ჩადენილი და ითხოვს პატიებას, მაშინ უნდა შეიწყალონ, - ამის შესახებ „გირჩის" ერთ-ერთმა ლიდერმა, იაგო ხვიჩიამჟურნალისტებს განუცხადა.
თუ ბრალდება, კოქტეილის სროლის შესახებ დადასტურდება და ეს არ იქნება გადააზრებული როგორც ცუდი ქმედება, ამ პირობებში შეწყალებას არ დავეთანხმებოდი", - აღნიშნა იაგო ხვიჩიამ.
შეიწყალებს თუ არა პრეზიდენტი ლაზარე გრიგორიადისს - კითხვა აქტუალური მას შემდეგ გახდა, რაც გრიგორიადისის ადვოკატები ორბელიანების სასახლეში იმყოფებოდნენ. გრიგორიადისის ადვოკატმა, ლიკა ბითაძემ განაცხადა, თუ ლაზარეს საქმეზე გამამტყუნებელი განაჩენი დადგა, მაგ შემთხვევაში სალომე ზურაბიშვილს მისი შეწყალების შესახებ აუცილებლად მიმართავენ.