უმრავლესობის წევრის ბექა დავითულიანის განცხადებით, "მოქალაქეთა პოლიტიკური გაერთიანებების შესახებ" კანონპროექტი, რომელიც იურიდიულ პირებს პოლიტიკური სუბიექტების დაფინანსებას უზღუდავს, ევროპელი პარტნიორების რეკომენდაციაა და მმართველი გუნდი ამ კანონპროექტის ლობისტი არ ყოფილა.
დავითულიანის განმარტებით, მმართველი გუნდი, კანონპროექტის მიღებით, ევროპელი პარტნიორების რეკომენდაციას ასრულებს და არანაირი სხვა მოტივი არ აქვს.
"ეს არის ჩვენი პარტნიორების რეკომენდაცია, ჩვენი ევროპასთან ინტეგრაციის გზაზე, რომ იურიდიული პირების დაფინანსება, პოლიტიკურ სუბიექტებს შეეზღუდოთ. ჩვენ არ ვართ არც ამის ინიციატორები და არც ამის ლობისტები. ჩვენ, უბრალოდ, აღვასრულებთ ამ რეკომენდაციას. თვითონ იციან, რომ აპრიორში წააგებენ არჩევნებს და დისკრედიტაციას იწყებენ, თესლს ყრიან მიწაში, რომ მერე თქვან, თითქოს ესეც იყო პრობლემა. საერთოდ არ გვაქვს ამაზე პრინციპული პოზიცია", - განაცხადა დავითულიანმა.