მადლობა პრეზიდენტ პაველს საქართველოს სრული და ურყევი მხარდაჭერისთვის, - ამის შესახებ საქართველოს პრეზიდენტმა, სალომე ზურაბიშვილმა განაცხადა.

სალომე ზურაბიშვილმა სოციალურ ქსელში ჩეხეთში ვიზიტის ფარგლებში პრეზიდენტ პეტრ პაველთან შეხვედრის შემდეგ განცხადება გამოაქვეყნა.

„მადლობა პრეზიდენტ პაველს სრული და ურყევი მხარდაჭერისთვის მაშინ, როდესაც მიმდინარე კვირაში საქართველოს კანდიდატის სტატუსის შესახებ გადამწყვეტ გადაწყვეტილებას ველით. საქართველოს პრეზიდენტის ეს ისტორიული პირველი ოფიციალური ვიზიტი ჩეხეთში ჩვენს ერებს შორის ურყევ კავშირს აღნიშნავს", - წერს სალომე ზურაბიშვილი X-ზე (ყოფილი „ტვიტერი").

სალომე ზურაბიშვილი ჩეხეთში ოფიციალურ ვიზიტს ხვალ, 12 დეკემბერს დაასრულებს.