ავსტრიის საგარეო საქმეთა მინისტრი, ალექსანდერ შალენბერგი მიესალმა რუსეთის საგარეო საქმეთა მინისტრის, სერგეი ლავროვის ეუთოს მინისტერიალზე მიწვევას. ინფორმაციას ამის შესახებ უკრაინული მედია ავრცელებს.
შალენბერგმა აღნიშნა, რომ გასულ წელს ერთადერთი დასავლელი საგარეო საქმეთა მინისტრი იყო, რომელმაც გააკრიტიკა პოლონეთის მხრიდან ლავროვის ეუთოს შეხვედრაზე მიწვევაზე უარის თქმა.
"როგორც დასავლეთი, ჩვენ არ უნდა გვეშინოდეს რუსებთან მოლაპარაკებების მაგიდასთან დაჯდომის", - განაცხადა ავსტრიის საგარეო საქმეთა სამინისტროს ხელმძღვანელმა.
მისი თქმით, ეუთო-ში ხორციელდება დიპლომატია, რომელსაც თავად უჭერს მხარს:
ეს არის კლასიკური მულტილატერალიზმი, ამ სიტყვის საუკეთესო გაგებით.