ლატვიის პრეზიდენტმა, ედგარს რინკევიჩსმა განაცხადა, რომ ევროკავშირმა უნდა გადადოს მესამე ქვეყნებისთვის საბრძოლო მასალის გაყიდვა, რათა ის უკრაინას გადასცეს.
"მე ვიცი, რომ არის ე.წ. მესამე ქვეყნები, რომლებიც კვლავ ყიდულობენ საბრძოლო მასალას ევროპული [სამხედრო] ქარხნებიდან. და თუ ჩვენ შეგვიძლია გადავდოთ, მაგალითად, მათი შესყიდვა, რადგან მათ არ აქვთ აქტიური სამხედრო სიტუაცია, მაშინ ალბათ ეს არის ის, რაც ჩვენ უნდა გავაკეთოთ", - აღნიშნა ლატვიის პრეზიდენტმა.
ლატვიის პრეზიდენტის თქმით, ამის მისაღწევად ევროპულმა ინსტიტუტებმა ზოგიერთ სახელმწიფოსთან ერთად უნდა იმუშაონ.