"ქართული ოცნება" თავდაცვის კოდექსს ცვლის და ახალგაზრდებს რეპრესიებით ემუქრება. ჯარის გადავადება შეუძლებელი ხდება. სამხედრო სავალდებულო სამსახურში გაიწვევენ იმ სტუდენტებსაც კი, ვინც უცხოეთში სწავლობს. ამ კატეგორიას სთავაზობენ სამხედრო ბაზიდან დისტანციურად ჩაერთოს ევროპის ან ამერიკის უნივერსიტეტებს.

პრობლემურია კიდევ ერთი ჩანაწერი. ეს რელიგიას ეხება. "ქართული ოცნება" რეესტრის შექმნას აპირებს. სპეციალურ ბაზაში ახალწვეულებმა უნდა ჩაწერონ, რომელ რელიგიურ კონფესიას წარმოადგენენ.

გაჩნდა ეჭვი, რომ ეს ჩანაწერი კონკრეტულად "გირჩის" ბიბლიური თავისუფლების მღვდელ მსახურების წინააღმდეგაა მიმართული.