ირაკლი კობახიძე აშშ-ის სენატში საქართველოს შესახებ გამართულ მსჯელობას გამოეხმაურა. კომენტარი ამ თემაზე „ქართული ოცნების" თავმჯდომარემ და საპარლამენტო უმრავლესობის ლიდერმა ჟურნალისტებთან საუბრისას გააკეთა.

„იცით, რომ ქვეყანას აქვს ყველა მიმართულებით ძალიან მყარი პოზიცია. რაც შეეხება სანქციებს, ჩვენ არ ვუშვებთ საქართველოში სანქციებისთვის გვერდის ავლას, რასთანაც დაკავშირებით მისიები იყო საქართველოში ჩამოსულები. მათ დაადასტურეს, რომ საქართველო არ გამოიყენება სანქციებისთვის გვერდის ავლისთვის. ყველა მიმართულებით ვიცავთ ჩვენს ეროვნულ ინტერესებს, მათ შორის იგივე ოჩამჩირის თემასთან დაკავშირებით. ძალიან მკაფიოდ იყო გამოხატული ჩვენი პოზიცია საგარეო საქმეთა სამინისტროს მიერ. აქედან გამომდინარე, ყველა მიმართულებით სახელმწიფოს ერთადერთი ამოცანა და მთავარი პრიორიტეტია ჩვენი ეროვნული ინტერესების დაცვა.