დაპირისპირების ინსპირაცია და ამისთვის ხელშეწყობა რუსეთის დაკვეთაა, - ასე აფასებს "ლელოს" წევრი სალომე სამადაშვილი პრორუსი რადიკალის კოკა მორგოშიას ღია მუქარას. ოპოზიციის წევრის თქმით, ის, რომ ხელისუფლება ამაზე არ რეაგირებს, ცხადყოფს, რომ ქვეყანას პრორუსული მოღალატე ხელისუფლება მართავს.
დაპირისპირების ინსპირაცია და ამისთვის ხელშეწყობა, ეს არის ასევე რუსეთის დაკვეთა. ის, რომ ეს ჯგუფები, რომლებიც პირდაპირ ასრულებენ რუსეთის დავალებას, მოქმედებენ შეუზღუდავად, კიდევ ერთხელ აჩვენებს, რომ ჩვენ გვყავს მოღალატე და ამ ქვეყნის ევროპული მომავლის საბოტაჟით დაკავებული მმართველი პოლიტიკური ძალა, იმიტომ, რომ ხელისუფლებას ევალება ამაზე რეაგირება და ამის ნაცვლად ვხედავთ, რომ სუსი დასდევს ამერიკის გადასახადების გადამხდელების სახსრებით და ევროკავშირით დაფინანსებული პროექტების მონაწილეებს, - ამბობს სამადაშვილი.
"ალტ-ინფოს" მიერ დაანონსებული ქაოსით სუსი ამ დრომდე არ ინტერესდება. ღია მუქარიდან ორი დღე გავიდა, მაგრამ სახელმწიფო უსაფრთხოების სამსახურში არც კოკა მორგოშია დაუბარებიათ და არც ის ადამიანები, რომლებმაც მცხეთის შეკრებაზე ნოემბრის აქტივობები დაგეგმეს. “5 ივლისის ავტორებიის“ ახალი პროექტი ანტიევროპული გამოსვლებია. პრორუსული დაჯგუფება თავდასხმით ემუქრება ყველას, ვინც "ოცნებას" ევროინტეგრაციას მოსთხოვს.