ღაზაში მტერი ბევრ მოულოდნელ რაღაცას გვიმზადებს, მაგრამ ჩვენც ვუმზადებთ, - ამის შესახებ ისრაელის თავდაცვის ძალების გენერალური შტაბის ხელმძღვანელმა, ჰერზი ჰალევიმ სამხედროებთან საუბარში განაცხადა.

"ღაზას სექტორში შევალთ. "ჰამასის" პერსონალის, "ჰამასის" ინფრასტრუქტურის განადგურების ოპერატიულ და პროფესიონალურ მისიას დავიწყებთ, და გონებაში გვექნება ორი კვირის წინ შაბათის სურათები, სცენები და დაღუპულები...

ღაზა რთულია, ღაზა მჭიდროა, მტერი ბევრ რაღაცას ამზადებს იქ, მაგრამ ჩვენც ვამზადებთ რაღაცებს მათთვის," - განაცხადა ჰალევიმ.