ტერორისტული დაჯგუფება „ჰამასი“ ჩვილების მკვლელობასა და მათთვის თავების მოკვეთასთან კავშირს კატეგორიულად უარყოფს. ამის შესახებ CNN -ი იუწყება.

„ჩვენ ამ ბრალდებებს უარვყოფთ და მედიას მოვუწოდებთ, რომ ჟურნალისტიკური ეთიკა დაიცვას“, - განაცხადა „ჰამასის“ სპიკერმა, აბუ უბაიდამ ვიდეომიმართვაში.

მან ისრაელზე თავდასხმას „თავდაცვითი ოპერაცია“ უწოდა და აღნიშნა, რომ ის მხოლოდ ისრაელის სამხედრო ბაზებსა და კომპლექსებზე იყო დაგეგმილი.

მანამდე მედიაში გავრცელდა ინფორმაცია, რომ კიბუცებში, რომლებსაც თავს „ჰამასი“ დაესხა, ქალებისა და ბავშვების დასახიჩრებული ცხედრები აღმოაჩინეს. ზოგს თავები ჰქონდა მოკვეთილი.