საქართველოს პარლამენტის პირველი ვიცე-სპიკერი გიორგი ვოლსკი „იმედის კვირის" მიერ მომზადებულ სიუჟეტს გამოეხმაურა, სადაც ნაჩვენები იყო, როგორ ატარებს ორგანიზაცია „სიარარსი" კვლევებს NDI-სთვის, სადაც კითხვები რადიკალური ოპოზიციის გზავნილებითაა შეფუთული და კითხვის ადრესატებს გამზადებულ პასუხებს სთავაზობდნენ.

„ყველანაირ ღონეს იხმარენ [რადიკალური ოპოზიცია], რათა დესტაბილიზაცია მოხდეს. „ქართული ოცნების" პირობებში, პრაქტიკულად, კანდიდატის სტატუსის მიღების თემა არის დამანგრეველი, ისტერიკის განმაპირობებელი ფაქტორი არა მარტო ჩვენი შიდა ოპონენტებისათვის, არამედ საერთაშორისო დონეზე საკმაოდ მაღალი დონის პოლიტიკოსებისათვის, მათ შორის ევროპარლამენტარებისათვის", - აღნიშნა ვოლსკიმ.